ଆଠଗଡ : ସଂପ୍ରତି ପଶ୍ଚିମବଙ୍ଗର ଦୁର୍ଗାପୁରଠାରେ ଶୁକ୍ରବାର ଅନୁଷ୍ଠିତ ସିବିଏସଇ ବିଦ୍ୟାଳୟସ୍ତରୀୟ ବକ୍ସିଂ ପ୍ରତିଯୋଗିତାରେ ଆଠଗଡ ସେଣ୍ଟ ଜାଭିୟର୍ସ ହାଇସ୍କୁଲର ଛାତ୍ର ଅମର ଧଳ କୃତିତ୍ୱ ଅର୍ଜନ କରି ସ୍ୱର୍ଣ୍ଣପଦକ ହାସଲ କରିଥିବା ଜଣାପଡିଛି। ରବିବାର ସେ ଆଠଗଡରେ ପହଞ୍ଚିବା ପରେ ତାଙ୍କୁ କଟକ ଜିଲ୍ଲ କ୍ୱାନକିଡୋ ଆସୋସିଏସନ ପକ୍ଷରୁ ସମ୍ବଦ୍ଧିତ କରାଯାଇଥିଲା। ଆସୋସିଏସନର ସଭାପତି ରୁଦ୍ରଚରଣ ମହାନ୍ତି, ଉପସଭାପତି ଶ୍ୟାମପ୍ରସାଦ ପଣ୍ଡା, ମୁଖ୍ୟ ପ୍ରଶିକ୍ଷକ ସନ୍ତୋଷ କୁମାର ବେହେରା ପ୍ରମୁଖ ମହୋତ୍ସବ ପଡିଆ ମଣ୍ଡପଠାରେ ଅମରଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଓ ଶ୍ରୀ ଜଗନ୍ନାଥଙ୍କ ଫଟୋଚିତ୍ର ଦେଇ ସମ୍ବର୍ଦ୍ଧିତ କରିବା ସହ ତାଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ । ଏହି କାର୍ଯ୍ୟକ୍ରମରେ କାର୍ଯ୍ୟକାରୀ ସଭାପତି ଶ୍ରୀତମ କୁମାର ଶତପଥୀ, ସଂପାଦକ ବଦ୍ରୀନାରାୟଣ ବାହିନୀପତି ଓ କୋଷାଧ୍ୟକ୍ଷକ ରାହୁଲ କୁମାର ଜେନାଙ୍କ ସମେତ ଅନ୍ୟ କ୍ରୀଡାବିତ୍ ଉପସ୍ଥିତ ରହିଥିଲେ।
Comments are closed.