ଢେଙ୍କିକୋଟରେ ଅନ୍ତର୍ଜାତୀୟ ଶିଶୁ କନ୍ୟା ଦିବସ

ପାଟଣା : ଢେଙ୍କିକୋଟ ପ୍ରାଥମିକ ବିଦ୍ୟାଳୟ ପକ୍ଷରୁ ବୁଧବାର ଅନ୍ତର୍ଜାତୀୟ ଶିଶୁ କନ୍ୟା ଦିବସ ପ୍ରଧାନ ଶିକ୍ଷୟତ୍ରୀ ମିନତୀ ମହାରଣାଙ୍କ ପ୍ରତ୍ୟକ୍ଷ ତତ୍ବାବଧାନରେ ପାଳନ କରାଯାଇଛି । ଏହି ଅବସରରେ ଛାତ୍ରୀ ମାନଙ୍କୁ ବଜାର ଅଞ୍ଚଳ ଓ ଗ୍ରାମ ପରିକ୍ରମାରେ ନିଆଯାଇ ଜନସାଧାରଣଙ୍କୁ ପୁଅ ଭଳି ଝିଅର ଆବଶ୍ୟକତା ଉପରେ ଆକର୍ଷଣୀୟ ସ୍ଲୋଗାନ ମାଧ୍ୟମରେ ସଚେତନା ବାର୍ତ୍ତା ଦିଆଯାଇଥିଲା । ସୁବିଧା ସୁଯୋଗ ଝିଅକୁ ଦିଅ – ରାଷ୍ଟ୍ରପତି ବି ହୋଇଛି ଝିଅ, ପ୍ରତ୍ୟେକ ବୃତ୍ତିରେ ଚମକୁଛି ଆଜିର ନାରୀ- ପୁଅକୁ ପଛରେ ପକାଇ ଆଗେଇଛି ନାରୀ ଆଦି ସ୍ଲୋଗାନ ସମ୍ବଳିତ ପ୍ଲା-କାର୍ଡ ଧରି ସଚେତନା ବାର୍ତ୍ତା ଦିଆଯାଇଥିଲା। ଶିକ୍ଷୟତ୍ରୀ ଗୀତାଞ୍ଜଳି ସାହୁ ଓ ସବିତା ବାରିକ ପ୍ରମୁଖ କୋମଳମତି ଛାତ୍ରୀ ମାନଙ୍କ ସହ ସଚେତନତା ପଦଯାତ୍ରାରେ ସାମିଲ ଥିଲେ ।