ନୂଆଦିଲ୍ଲୀ: ହମାସ ସହ ଯୁଦ୍ଧ ମଧ୍ୟରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଫୋନରେ କଥା ହୋଇଛନ୍ତି। ପ୍ରଧାନମନ୍ତ୍ରୀ ମୋଦୀ ଟ୍ବିଟ୍ କରି ଏହି ସୂଚନା ଦେଇଛନ୍ତି ଏବଂ କହିଛନ୍ତି ଯେ, ନେତନ୍ୟାହୁ ବର୍ତ୍ତମାନର ପରିସ୍ଥିତି ବିଷୟରେ କଥା ହୋଇଛନ୍ତି। ମୋଦୀ କହିଛନ୍ତି, ଭାରତ ଆତଙ୍କବାଦକୁ ସବୁ ପ୍ରକାରେ ନିନ୍ଦା କରୁଛି। ଏ ସମୟରେ ଇସ୍ରାଏଲ ସହିତ ଭାରତ ଦୃଢତାର ସହ ଠିଆ ହୋଇଛି ବୋଲି ନେତନ୍ୟାହୁଙ୍କୁ କହିଛନ୍ତି ମୋଦୀ।
I thank Prime Minister @netanyahu for his phone call and providing an update on the ongoing situation. People of India stand firmly with Israel in this difficult hour. India strongly and unequivocally condemns terrorism in all its forms and manifestations.
— Narendra Modi (@narendramodi) October 10, 2023
ପ୍ରଧାନମନ୍ତ୍ରୀ ପୋଷ୍ଟ କରିଛନ୍ତି ଯେ, ‘‘ପ୍ରଧାନମନ୍ତ୍ରୀ ନେତନ୍ୟାହୁଙ୍କୁ ତାଙ୍କ ଫୋନ୍ କଲ୍ ପାଇଁ ଏବଂ ବର୍ତ୍ତମାନର ପରିସ୍ଥିତି ଉପରେ ସଦ୍ୟତମ ସୂଚନା ପ୍ରଦାନ କରିଥିବାରୁ ମୁଁ ଧନ୍ୟବାଦ ଜଣାଉଛି। ଏହି ଘଡ଼ିସନ୍ଧି ମୁହୂର୍ତ୍ତରେ ଭାରତର ଜନସାଧାରଣ ଇସ୍ରାଏଲ ସହିତ ଦୃଢତାର ସହ ଠିଆ ହୋଇଛନ୍ତି। ଆତଙ୍କବାଦକୁ ଏହାର ସମସ୍ତ ରୂପ ଏବଂ ଅଭିବ୍ୟକ୍ତିରେ ଭାରତ ଦୃଢ ଓ ସ୍ପଷ୍ଟ ଭାବେ ନିନ୍ଦା କରୁଛି।’’
