ପାଟଣା: କେନ୍ଦୁଝର ଜିଲ୍ଲା ପାଟଣା ବ୍ଲକ ଟାଙ୍ଗରପଡ଼ା ପଞ୍ଚାୟତର ବନ୍ଧସାହିରେ ଲଗାଣ ବର୍ଷାରେ ଗୁରୁବାର ଗୋଟିଏ ଘରର କାନ୍ଥ ଭୁଶୁଡ଼ି ପଡିଛି। ସେହି ସାହିର ସମ୍ବାରି ମହାରଣା, ତାଙ୍କ ସ୍ବାମୀ ଭାଗବତ ମହାରଣା, ପୁଅ, ବୋହୂ, ଛୋଟ ଛୋଟ ପିଲା ଗତ ରାତି ସପରିବାର ଘରେ ଶୋଇଥିବା ବେଳେ ରାତି ୭ଟା ସମୟରେ ଓଦା ହୋଇ ରହିଥିବା କାନ୍ଥଟି ବାହାର ପଟକୁ ସଂପୂର୍ଣ୍ଣ ଭୁଶୁଡ଼ି ପଡ଼ିଥିଲା। ତେବେ ସୌଭାଗ୍ୟବସତଃ ଘର ଭିତରେ ଥିବା ଲୋକେ ମରଣ ମୁହଁରୁ ଅଳ୍ପକେ ବର୍ତ୍ତି ଯାଇଛନ୍ତି। ରାଜସ୍ବ ବିଭାଗ ପକ୍ଷରୁ ଘଟଣାର ତଦନ୍ତ ପୂର୍ବକ ଏହି ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
Comments are closed.