ଗୋପାଳପୁର: ଗୋପାଳପୁର ସମୁଦ୍ରରେ ଗାଧୋଉଥିବା ସମୟରେ ଦୁଇ ଜଣ ପ୍ରଖର ସ୍ରୋତରେ ଭାସି ଯାଉଥିବା ବେଳେ ସେମାନଙ୍କୁ ସୁରକ୍ଷିତ ଉଦ୍ଧାର କରିଛନ୍ତି ଲାଇଫଗାର୍ଡ। ଉଦ୍ଧାର ହୋଇଥିବା ଦୁଇ ଯୁବକ ଗୋଳନ୍ଥରା ଥାନା ଅନ୍ତର୍ଗତ କୁଠାରସିଂର ସାଗର ସାହୁ ଓ ସୁରଜ ସାହୁ ବୋଲି ଜଣାପଡ଼ିଛି ।
ସୂଚନା ପ୍ରକାରେ, ଆଜି ଅପରାହ୍ନ ସାଢ଼େ ୪ଟା ସମୟରେ ଗୋପାଳପୁର ସମୁଦ୍ରର ସି ପଲ ଲଜ୍ ସମ୍ମୁଖରେ ଗାଧୋଉଥିବା ବେଳେ ଉଭୟ ପ୍ରଖର ସ୍ରୋତରେ ଗଭୀର ପାଣି ଭିତରକୁ ଚାଲି ଯାଇଥିଲେ। ଘଟଣା ଜଣାପଡ଼ିବା ପରେ ବେଳାଭୂମି ଡ୍ୟୁଟିରେ ଥିବା ଲାଇଫ ଗାର୍ଡ ଜି ଚିଟି ବାବୁ ଓ ଲିଙ୍ଗରାଜ ବେହେରା ତୁରନ୍ତ ଘଟଣା ସ୍ଥଳରେ ପହଞ୍ଚି ଟ୍ୟୁବ ସାହାଯ୍ୟରେ ଉଭୟଙ୍କୁ ଉଦ୍ଧାର କରିଥିଲେ। ପରେ ଉଭୟ କିଛି ସମୟ ବିଶ୍ରାମ ନେବା ପରେ ସେଠାରୁ ଯାଇଥିବା ଜଣାପଡ଼ିଛି। ସୂଚନାଯୋଗ୍ୟ ଯେ, ଗତକାଲି ମଧ୍ୟ ଅନୁରୂପ ଭାବେ ୨ ଜଣଙ୍କୁ ସମୁଦ୍ର ସ୍ରୋତରେ ଭାସି ଯାଉଥିବା ବେଳେ ଲାଇଫଗାର୍ଡ ସଦସ୍ୟ ଉଦ୍ଧାର କରିଥିଲେ।
