ସମ୍ବଲପୁର: ସ୍ଥାନୀୟ ମୁଦିପଡ଼ା ସ୍ଥିତ ଜଗନ୍ନାଥ ମନ୍ଦିର ଠାରେ ଭାଗବତ ସପ୍ତାହ ଅନୁଷ୍ଠିତ ହୋଇଯାଇଛି। ରାଧାଷ୍ଟମୀ ତିଥିରୁ ଆରମ୍ଭ ହୋଇ ଏହା ପୁର୍ଣ୍ଣିମା ତିଥି ପର୍ଯ୍ୟନ୍ତ ଚାଲିଥିଲା। ଜଗନ୍ନାଥ ମନ୍ଦିର ପୂଜକ ବ୍ୟୋମକେଶ ପଣ୍ଡାଙ୍କ ତତ୍ୱାବଧାନରେ ଆୟୋଜିତ ସପ୍ତାହବ୍ୟାପୀ ଉତ୍ସବରେ ଛତିଶଗଡ଼ ରାଜ୍ୟର ରାୟଗଡ଼ ଜିଲା ନିବାସୀ ବ୍ରଜେଶ୍ୱରୀ ଷଡଙ୍ଗୀ କର୍ତ୍ତା ଦାୟିତ୍ୱ ସମ୍ପାଦନ କରିଥିଲେ। ଅର୍ଡା ଗ୍ରାମର କମଳାକାନ୍ତ ପାଣିଗ୍ରାହୀ ଓ ଭତରାର ସଞ୍ଜୀବ ପୁରୋହିତ ଭାଗବତ ପାଠ କରିଥିଲେ। ପଣ୍ଡିତ ଅଜିତ ମିଶ୍ର ବିଭିନ୍ନ ଦିବସରେ ପୂଜାକାର୍ଯ୍ୟ କରିଥିଲେ। ଏହି ଧାର୍ମିକ ଅନୁଷ୍ଠାନରେ ମୁଦିପଡ଼ା ସମେତ ଆଖପାଖ ଅଞ୍ଚଳର ଶତାଧିକ ଶ୍ରଦ୍ଧାଳୁ ସାମିଲ ହୋଇ ଭାଗବତ ରସାମୃତ ପାନ କରିଥିଲେ।
Popular Categories
Previous article
Next article