ଡେସ୍କ: ଗଣପର୍ବ ନୂଆଁଖାଇ ଲାଗି ପଶ୍ଚିମ ଓଡ଼ିଶା ଚଳଚଞ୍ଚଳ। ଆଜି ନିର୍ଦ୍ଧାରିତ ଲଗ୍ନ ୧୦ଟା ୩୭ ମିନିଟରେ ମା’ ସମଲେଶ୍ୱରୀଙ୍କ ନିକଟରେ ନବାନ୍ନ ଲାଗି ହୋଇଛି। ଏହି ଗଣପର୍ବ ଅବସରରେ ଚାଷୀମାନେ ଇଷ୍ଟ ଦେବଦେବୀଙ୍କୁ ନୂଆ ଫସଲ ଅର୍ପଣ କରୁଛନ୍ତି। ନୂଆଁଖାଇରେ ଘରେ ଘରେ ଲୋକେ ନୂଆ ଖାଇବେ।
ନୂଆଁଖାଇ ଏକ କୃଷିଭିତ୍ତିକ ପର୍ବ। ଏହି ପର୍ବ ପାଳନ କରିବା ଲାଗି ପରିବାର ବାହାରେ ରହୁଥିବା ସଦସ୍ୟମାନେ ଘରକୁ ଆସିଥାନ୍ତି। ସମସ୍ତେ ମିଶି ଏକାଠି ନୂଆ ଖାଇଥାନ୍ତି ଓ ତା ପରେ ଆରମ୍ଭ ହୁଏ ଭେଟଘାଟ କାର୍ଯ୍ୟକ୍ରମ। ଛୋଟମାନେ ଘରର ବଡମାନଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଇଥାନ୍ତି। ଅବିଭକ୍ତ କଳାହାଣ୍ଡି, ବଲାଙ୍ଗୀର, ସମ୍ବଲପୁର, ସୁନ୍ଦରଗଡ ଓ ବଉଦ ଜିଲ୍ଲା ସମେତ କୋରାପୁଟର କେତେକ ଅଂଚଳ ଏବଂ ଛତିଶଗଡ ରାଜ୍ୟର ଦେଓଭୋଗ ସମେତ କେତେକ ଅଂଚଳରେ ଏହି ନୂଆଖାଇ ପର୍ବ ଖୁବ ଜାକଜମକରେ ପାଳିତ ହୋଇଥାଏ।
