ଗୁରୁଡିଝାଟିଆ : ମହାନଦୀରେ ବନ୍ୟାଜଳ ହ୍ରାସ ପାଇଛି । ହେଲେ ମହାନଦୀର ଉପନଦୀ ସାପୁଆରୁ ବନ୍ୟାଜଳ ରମ୍ପାଘାଇ ଦେଇ ଏବେବି ପ୍ରବାହିତ ହେଉଥିବାରୁ ପୁରୁଣା କଟକ-ସମ୍ବଲପୁର ରାସ୍ତାର ନିଧିପୁର ଗଡାରେ ୨ଫୁଟର ବନ୍ୟାଜଳ ପ୍ରବାହିତ ହେଉଛି। ଏହା ଫଳରେ ରବିବାର ଠାରୁ ଆଜି ପର୍ଯ୍ୟନ୍ତ ଗମନାଗମନ ବନ୍ଦ ରହିଛି । କୌଣସି ୨ଚକିଆ ବା ୪ ଚକିଆ ଗାଡି ରାସ୍ତାଉପରେ ପ୍ରବାହିତ ବନ୍ୟାଜଳ ଯୋଗୁଁ ଯାଇପାରୁନାହାନ୍ତି । ବନ୍ୟାଜଳ ପ୍ରବାହିତ ହେଉଥିବାରୁ ରାସ୍ତାର ବିଭିନ୍ନ ସ୍ଥାନରେ ଗର୍ତ୍ତ ସୃଷ୍ଟି ହୋଇଛି। ଯଦିଓ ରବିବାର ସାଢେ ୩ଫୁଟ ବନ୍ୟାଜଳ ପ୍ରବାହିତ ହୋଇଥିଲା ଏହା କମି ୨ ଫୁଟରେ ପହଞ୍ଚିଛି। ତେଣୁ ଗମନା ଗମନ ସ୍ୱଭାବିକ ହୋଇପାରିନାହିଁ । ବନ୍ୟାଜଳ ଚାଷକ୍ଷେତରେ ପଶିଥିବାରୁ ଥୋର ଧାନ ପ୍ରଭାବିତ ହେବା ଆଶଙ୍କା ଦେଖାଦେଇଛି। ବିଶେଷତଃ ଜନସେଚନ ବିଭାଗର ଅବହେଳା ପାଇଁ ଏ ଅବସ୍ଥା ଦେଖାଦେଇଛି । ପ୍ରଶାସନର ନିର୍ଦ୍ଦେଶ ସତ୍ତ୍ବେ ଗତ ବନ୍ୟା ପରେ ଘାଇ ମୁକୁଳା ପଡିରହିଛି । ପ୍ରଶାସନ ଏଥିପ୍ରତି ସ୍ୱତନ୍ତ୍ର ଦୃଷ୍ଟିଦେବା ପାଇଁ ସାଧାରଣରେ ଦାବି ହୋଇଛି।
Popular Categories
Previous article
Next article