ନବରଙ୍ଗପୁର : ନବରଙ୍ଗପୁର ଜିଲା ରାଇଘର ଥାନା ଅନ୍ତର୍ଗତ ବୋବେଇ ଗାଁରେ ସମ୍ପତ୍ତି ପାଇଁ ଭାଇକୁ ହତ୍ୟା କରି ଜମିରେ ଭାଇ ପୋତି ଦେଇଥିବା ଜଣାପଡ଼ିଛି। ହତ୍ୟାର ୧୧ ଦିନ ପରେ ପୁଲିସ ମୃତଦେହ ଉଦ୍ଧାର କରିଛି। ପୁଲିସ ଏହି ଘଟଣାରେ ନଡ଼ଗୁର ଭାଇ ରହିଦାସ ଗଣ୍ଡ ସମେତ ୩ଜଣଙ୍କୁ ଗିରଫ କରିଛି। ସୂଚନା ଅନୁସାରେ, ଗତ କିଛି ବର୍ଷ ତଳେ ଏମାନଙ୍କ ବାପାଙ୍କର ମୃତ୍ୟୁ ଘଟିଥିଲା। ବାପାର ମୃତ୍ୟୁ ପରେ ଜମିଜମାକୁ ନେଇ ଦୁଇଭାଇ ମଧ୍ୟରେ ବିବାଦ ଲାଗି ରହିଥିଲା। ଏଥିପାଇଁ ରହିଦାସ ନଡ଼ଗୁ ଉପରେ ରାଗ ରଖିଥିଲା । ବାଟରୁ ହଟାଇବା ପାଇଁ ଯୋଜନା କରୁଥିଲା। ଗତ ୧୭ ତାରିଖ ଦିନରେ ନଡ଼ଗୁଙ୍କୁ ବିଲକୁ ଡାକି ହତ୍ୟା କରିଥିଲେ। ଘଟଣାସ୍ଥଳରେ ନଡ଼ଗୁଙ୍କର ମୃତ୍ୟୁ ଘଟିଥିଲା। ପରେ ମୃତଦେହକୁ ପାଖ ଜମିରେ ପୋତି ଦେଇଥିଲେ। ନଡ଼ଗୁ ବିଳମ୍ବିତ ରାତି ପର୍ଯ୍ୟନ୍ତ ବିଲରୁ ଘରକୁ ନ ଫେରି ବାରୁ ପରିବାର ଲୋକଙ୍କର ସନ୍ଦେହ ହୋଇଥିଲା। ଦୀର୍ଘ ୧୧ ଦିନ ପରେ ପୁଲିସ ମୃତ ଦେହ ଉଦ୍ଧାର କରି ଘଟଣାର ତଦନ୍ତ ଜାରି ରଖିଛି।
Comments are closed.