ନୂଆଦିଲ୍ଲୀ: ଉତ୍ତରପ୍ରଦେଶର ମଥୁରା ଅନ୍ତର୍ଗତ କୃଷ୍ଣ ଜନ୍ମଭୂମି ନିକଟରେ ରେଳବାଇ ଜମିରେ ହୋଇଥିବା ବେଆଇନ ନିର୍ମାଣ କାର୍ଯ୍ୟକୁ ହଟାଇବା ପାଇଁ ରେଳବାଇ କର୍ତ୍ତୃପକ୍ଷଙ୍କ ଭାଙ୍ଗିବା ଅଭିଯାନ ବିରୋଧରେ ଦାୟର ମାମଲାକୁ ସୁପ୍ରିମକୋର୍ଟ ଖାରଜ କରିଛନ୍ତି। ବିଚାରପତି ଅନିରୁଦ୍ଧ ବୋଷ, ସଞ୍ଜୟ କୁମାର ଏବଂ ଏସ୍.ଭି.ଏନ୍ ଭଟ୍ଟୀଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ରେଳବାଇ ପକ୍ଷରୁ ବେଆଇନ ନିର୍ମାଣ ବିରୋଧୀ ଅଭିଯାନ ଶେଷ ହୋଇଥିବା କୁହାଯାଇଛି। ଉପଯୁକ୍ତ ଶୁଣାଣି ପାଇଁ ଟ୍ରାଏଲ କୋର୍ଟକୁ ମାମଲା ସ୍ଥାନାନ୍ତର କରିବାକୁ ସର୍ବୋଚ୍ଚ ନ୍ୟାୟାଳୟ ଆବେଦନକାରୀଙ୍କୁ କହିଛନ୍ତି। ଖଣ୍ଡପୀଠ କହିଛନ୍ତି, ଏହି ମାମଲାରେ ଯେଉଁ ବିଷୟ ଦାବି କରାଯାଇଛି ସେହିଭଳି ମାମଲା ନ୍ୟାୟିକ ସିଭିଲ୍ କୋର୍ଟରେ ବିଚାରାଧୀନ ଥିବାରୁ, ଆବେଦନକାରୀଙ୍କୁ ସେହି କୋର୍ଟରେ ଆବେଦନ କରିବାକୁ କୁହାଯାଇଛି।
ସୁପ୍ରିମକୋର୍ଟ ଅଗଷ୍ଟ ୧୬ ତାରିଖରେ ୧୦ ଦିନ ପାଇଁ ଅବୈଧ ନିର୍ମାଣ ଭାଙ୍ଗିବା ଉପରେ ମଧ୍ୟବର୍ତ୍ତୀକାଳୀନ ସ୍ଥଗିତାଦେଶ ଦେବା ପୂର୍ବରୁ ଶହେରୁ ଅଧିକ ଘର ବୁଲଡୋଜର ବ୍ୟବହାର କରି ଭାଙ୍ଗି ଦିଆଯାଇଥିଲା। ପରେ ଅଗଷ୍ଟ ୨୫ରେ ସର୍ବୋଚ୍ଚ ନ୍ୟାୟାଳୟ ସ୍ଥଗିତାଦେଶ ଅବଧି ବୃଦ୍ଧି କରିବାକୁ ମନା କରିଦେଇଥିଲେ।
Comments are closed.