ରେଙ୍ଗାଲିକ୍ୟାମ୍ପ : ଅତାବିରା ଏନ୍ଏସି କାର୍ୟ୍ୟାଳୟ ନିକଟରେ ଥିବା କୁନାବ୍ରତ ବିଶ୍ଵାଳଙ୍କ ଏକ ପରିବା ଦୋକାନ ଜଳିଯାଇଛି । କୌଣସି ଦୁର୍ବୃତ୍ତ ଦୋକାନରେ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି । ସକାଳ ପ୍ରାୟ ୫ ଟାରେ ଲୋକେ ଏହି ଦୋକାନ ଭିତରୁ ନିଆଁ ଜଳୁଥିବା ଦେଖି ମାଲିକ କୁନାକୁ ଖବର ଦେବା ସହ ଦୋକାନରୁ ମାତ୍ର ୧୦୦ ମିଟର ଦୂରରେ ଥିବା ଅଗ୍ନିଶମ ବିଭାଗକୁ ଖବର ଦେଇଥିଲେ। ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ । ହେଲେ ସେତେବେଳକୁ ଦୋକାନ ର ଅଧିକାଂଶ ଜଳି ସାରିଥିଲା । ଘର ସହ ପୋଡ଼ି ନଷ୍ଟ ହୋଇଥିବା ପନିପରିବା ଆକଳନ ମୂଲ୍ୟ ପ୍ରାୟ ୭୦ ହଜାର ଟଙ୍କା କ୍ଷତି ହୋଇଥିବା ଦୋକାନୀ ପ୍ରକାଶ କରିଛନ୍ତି । କିନ୍ତୁ ଆଶ୍ଚର୍ୟ୍ୟର କଥା ସେହି ଆଖ ପାଖରେ ଅନେକ ଦୋକାନ ଥିଲେ ମଧ୍ୟ ଅନ୍ୟ କୌଣସି ଦୋକାନରେ ଚୋରି କିମ୍ବା ଦୋକାନ ପୋଡ଼ି ହେଉ ନାହିଁ । କିନ୍ତୁ ଟମାଟର ଆକାଶ ଛୁଆଁ ଦର ଥିବା ବେଳେ ଟମାଟର ଗତ ସପ୍ତାହରେ ଚୋରି ହୋଇଥିଲା । ଦୀର୍ଘ ୩୦ ବର୍ଷରୁ ଉର୍ଦ୍ଧ୍ବ ହେବ ଦୋକାନୀ କୁନା ଏହି ଚାଳଛପର ଦୋକାନରେ ନିଜର ଗୁଜୁରାଣ ମେଣ୍ଟାଇ ଆସୁଛନ୍ତି । କିନ୍ତୁ ନିଜେ କାହାରି ପ୍ରତି କୌଣସି ଅନ୍ୟାୟ କରି ନଥିବା ବେଳେ ବାରମ୍ବାର ତାଙ୍କ ପେଟରେ ଲାତ ପଡ଼ୁଥିବା ନେଇ ସେ କାନ୍ଦି ପକାଇଥିଲେ । ତାଙ୍କର ପରିଶ୍ରମ ଏମିତି ବ୍ୟକ୍ତି ମାନଙ୍କ ଯୋଗୁଁ ନଷ୍ଟ ହୋଇ ଯାଉଛି ବୋଲି ସେ ଦୁଃଖ ପ୍ରକାଶ କରିଛନ୍ତି ।
Comments are closed.