ରେଙ୍ଗାଲି: ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟରଜପଥ ବିଜୁ ଏକ୍ସପ୍ରେସ ୱେର ଲପଙ୍ଗା ପାଖରେ ଆଜି ଏକ ଅଜଣା ଗାଡି ଧକ୍କାରେ ଜନୈକ ବାଇକ୍ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି। ଖବର ପାଇ ଠେଲକୋଲୋଇ ପୁଳିସ ଘଟଣାସ୍ଥଳରେ ପହଞ୍ଚି ମୃତ୍ୟୁ ଦେହକୁ ଉଦ୍ଧାର କରି ପଞ୍ଚନାମା ପରେ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଛି। ଦୁର୍ଘଟଣାରେ ମୃତ୍ୟୁ ହୋଇଥିବା ବାଇକ୍ ଆରୋହୀ ଓମପ୍ରକାଶ ଚୌରାଶିଆ (୪୩) ଜେଏସଡ୍ଳୁ-ଭୂଷଣ କମ୍ପାନୀରର କର୍ମଚାରୀ ବୋଲି ଚିହ୍ନଟ କରାଯାଇଛି। ସେ ସମ୍ବଲପୁର ଅଭିମୁଖେ ଯାଉଥିବା ବେଳେ ତାଙ୍କୁ ଅଜଣା ଗାଡି ଧକ୍କା ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ଠେଲକୋଲୋଇ ଆଇଆଇସି ସାବିତ୍ରୀ ବଳ ସୂଚନା ଦେଇଛନ୍ତି। ମୃତ ଓମପ୍ରକାଶ ମଧ୍ୟପ୍ରଦେଶ ଦାମୋହା ଜିଲା ନରସିଂହଗଡ ଖଡେରାମୁହଲ୍ଲା ର ବାସିନ୍ଦା ବୋଲି ପୁଲିସ ତଦନ୍ତରୁ ଜଣାପଡିଛି।
Popular Categories
Previous article
Next article