ସମ୍ବଲପୁର: ସମ୍ବଲପୁର ଜିଲା ଅବକାରୀ ବିଭାଗ ପକ୍ଷରୁ ମଙ୍ଗଳବାର ରାତିରେ କ୍ଷେତରାଜପୁର ଥାନା ସନ୍ନିକଟସ୍ଥ କୁସୁମପଡ଼ା ଅଞ୍ଚଳରୁ ବିପୁଳ ନିଶା କଫ ସିରପ୍ ଜବତ କରାଯାଇଛି। ବିଶ୍ୱସ୍ତ ସୂତ୍ରରୁ ଖବର ପାଇ ଅବକାରୀ ବିଭାଗର ଏକ ଦଳ ଇନ୍ସପେକ୍ଟର ଦିଲୀପ ଶତପଥୀଙ୍କ ନେତୃତ୍ୱରେ କୁସୁମପଡ଼ାଠାରେ ଗତକାଲି ରାତିରେ ଚଢ଼ଉ କରିଥିଲା। ଚଢ଼ଉ ସମୟରେ ସାହୁ କଲୋନୀର ମୂଳ ନିବାସୀ ତଥା କୁସୁମପଡ଼ାଠାରେ ରହୁଥିବା ପ୍ରହଲ୍ଲାଦ ବେହେରା(୩୬)ଙ୍କୁ ଗିରଫ କରି ୬୨୦ ବୋତଲ ନିଶାକଫ ସିରପ ଜବତ କରିଛି। ଅଭିଯୁକ୍ତ ଏହି ନିଶା କଫ ସିରପଗୁଡିକୁ ବେଆଇନ ଭାବରେ ନିଜ ଘରେ ମହଜୁଦ ରଖିଥିବା ବେଳେ ୨ଟି ବସ୍ତାରେ ଭର୍ତ୍ତି କରି ଅନ୍ୟତ୍ର ସ୍ଥାନାନ୍ତର ପାଇଁ ଉଦ୍ୟମ କରୁଥିବା ବେଳେ ଅବକାରୀ ଦଳ ଦ୍ୱାରା ଧରାପଡ଼ିଛି। ଜବତ ହୋଇଥିବା ନିଶା କଫ ସିରପଗୁଡିକର ଆନୁମାନିକ ମୂଲ୍ୟ ୮୦ ହଜାର ଟଙ୍କାରୁ ଊର୍ଦ୍ଧ୍ବ ହେବ। ଏ ସମ୍ପର୍କରେ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ଗିରଫ ଅଭିଯୁକ୍ତଙ୍କୁ ବୁଧବାର ଅଦାଲତକୁ ଚାଲାଣ କରାଯାଇଛି ବୋଲି ସୂଚନା ଦିଆଯାଇଛି।
Popular Categories
Previous article
Next article