ବାଲିଅନ୍ତା : ବାଲିଅନ୍ତା ବ୍ଲକ୍ ଓ ପୁରୋହିତପୁର ଗ୍ରାମ ପଞ୍ଚାୟତ ଅନ୍ତର୍ଗତ ଶିଙ୍ଗିରି ଶାସନ ଗ୍ରାମରେ ସୋଆ ବିଶ୍ବ ବିଦ୍ୟାଳୟ ପରିଚାଳିତ ଫାକଲ୍ଟି ଅଫ ଏଗ୍ରିକଲ୍ଚରାଲ ସାଇନ୍ସ ତଥା କୃଷି ମହାବିଦ୍ୟାଳୟର ଶେଷ ବର୍ଷ ସ୍ନାତକ ଛାତ୍ରୀମାନଙ୍କ ସଂଯୋଜନାରେ ଚାଷୀ ମାନଙ୍କୁ ଲାଭବାନ କରାଇବା ପାଇଁ ଜୈବିକ ସାର ଆଜୋଲା ଏବଂ ତରଳ ସାର ଓ କୀଟନାଶକ ଜିବାମୃତ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଏକ ଦିବାସୀୟ ପ୍ରଶିକ୍ଷଣରେ ସୋଆର ଗ୍ରାମ ସଂଯୋଗିକରଣ କାର୍ଯ୍ୟକ୍ରମର ଗୋଟିଏ ଅଂଶ ଭାବରେ ଗ୍ରହଣ କରାଯାଉଛି। ସୋଆ ଉଦ୍ୟାନ ବିଭାଗର ସହକାରୀ ପ୍ରଫେସର ପ୍ରୀତିଲଗ୍ନା ଧଳଙ୍କ ଅଧ୍ୟକ୍ଷତାରେ ଏହି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା। ଗ୍ରାମର ଜଣେ ସଫଳ କୃଷକ ଲକ୍ଷ୍ମୀଧର ନାୟକ ଆଜୋଲା ଏବଂ ଜୀବାମୃତ ର ଉପକାରିତା ବିଷୟରେ ଆଲୋକପାତ କରିଥିଲେ।
ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଗ୍ରାମର ୫୫ରୁ ଉର୍ଦ୍ଧ ଚାଷୀ ଭାଇ ଭଉଣୀ ମାନେ ସକ୍ରିୟ ଅଂଶଗ୍ରହଣ କରିଥିଲେ। ଛାତ୍ରୀମାନେ ଆଯୋଲା ଏବଂ ଜୀବାମୃତ ବ୍ୟବହାର ଓ ଉପକାରିତା ବୁଝେଇବା ସହିତ ଏହାର ପ୍ରସ୍ତୁତି ମଧ୍ୟ ଚାଷୀ ଭାଇ ଭଉଣୀ ମାନଙ୍କୁ ସରଳ ଭାଷାରେ ବୁଝାଇ ଥିଲେ । ସୂଚନା ଯୋଗ୍ୟ ଯେ ଶିଙ୍ଗିରି ଶାସନ ଗ୍ରାମ କୁ ଗତ କିଛି ଦିନ ଧରି ସୋଆ କୃଷି ମହାବିଦ୍ୟାଳୟ ର କୋଡିଏ ଜଣ ଛାତ୍ରୀ ପ୍ରତିନିଧି ଦଳ ପ୍ରଦର୍ଶନ କରି ବିଭିନ୍ନ କୃଷି ଭିତ୍ତିକ ତଥ୍ୟ ସଂଗ୍ରହ କରୁଛନ୍ତି । ଆଗାମୀ ଦିନରେ ଅନ୍ୟ ଏକ କୃଷି ଭିତ୍ତିକ ବିଶେଷ ପ୍ରସିକ୍ଷତା ସହ ସଚେତନତା କାର୍ଯ୍ୟକର୍ମ କରିବାର ଯୋଜନା ରହିଛି । ଏହି କାର୍ଯ୍ୟକ୍ରମର ସଫଳତା ପାଇଁ ସୋଆ କୃଷି ମହାବିଦ୍ୟାଳୟ ର ଅଧ୍ୟକ୍ଷ ପ୍ରଫେସର୍ ସନ୍ତୋଷ କୁମାର ରାଉତ ଓ ଗ୍ରାମ ସଂଯୋଗୀ କରଣ କାର୍ଯ୍ୟକ୍ରମର ସଂଯୋଜକ ଡକ୍ଟର ଅଂଶୁମାନ ଜେନା ଗ୍ରାମବାସୀ ତଥା ଅଂଶଗ୍ରହକାରୀ ମାନଙ୍କ ନିକଟରେ କୃତଜ୍ଞତା ଜ୍ଞାପନ କରିଛନ୍ତି।
