ନ୍ୟୁୟର୍କ – ବିଭିନ୍ନ କାରଣ ପାଇଁ ସାଟେଲାଇଟ୍ ମାଧ୍ୟମରେ ପୃଥିବୀର ସ୍କାନିଂ କରାଯାଇଥାଏ । କେତେବଳେ ପାଣିପାଗ ପାଇଁ ତ କେତେବେଳେ ବିଭିନ୍ନ ଖଣିଜ ସମ୍ପଦ ବିଷୟରେ ଜ୍ଞାନ ଆରୋହଣ ପାଇଁ । ଏବେ ଏକ ଅଲଗା କାରଣ ପାଇଁ ଆରେୟ ଲାବ୍ର ସାଟେଲାଇଟ୍ ପୃଥିବୀର ସ୍କାନିଂ କରୁଛି। ଆମେରିକାର ସିଲିକନ୍ ଭ୍ୟାଲିରେ ଥିବା ଆରେୟ ଲାବ୍ ଏକ ଷ୍ଟାର୍ଟ ଅପ୍ କମ୍ପାନୀ । ଏହା ଟେକନୋଲଜି ଏବଂ ପୃଥିବୀର ଥ୍ରୀଡି ମ୍ୟାପ୍ ପ୍ରସ୍ତୁତ କରିଥାଏ । ପୂର୍ବରୁ ଗୁଗୁଲ ଅର୍ଥ ମାଧ୍ୟମରେ ଥ୍ରୀଡି ମ୍ୟାପିଂ କରାଯାଇଛି ।
ଏବେ ଆମେରିକାର ସହ ବିଶ୍ୱର ବିଭିନ୍ନ ଦେଶରେ ଅଟୋ ଡ୍ରାଇଭିଂ ଗାଡିର ବିକ୍ରି ଆରମ୍ଭ ହୋଇଛି । ସେଥିପାଇଁ ରାସ୍ତାଘାଟର ଥ୍ରୀଡି ମ୍ୟାପିଂର ଆବଶ୍ୟକତା ରହିଛି । ଆରେୟ ଲ୍ୟାବ ଏବେ ସାଟେଲାଇଟ୍ ମାଧ୍ୟମରେ ଏହି କାର୍ଯ୍ୟ ଆରମ୍ଭ କରିଛି । ପୂର୍ବରୁ ମଧ୍ୟ ଗୁଗୁଲ୍ ମ୍ୟାପିଂ ସାହାଯ୍ୟରେ ଏହା କରାଯାଇଛି । ରାଡାର୍ ଏବଂ ସାଇଣ୍ଟିଫିକ୍ କମ୍ପ୍ୟୁଟିଂ ମାଧ୍ୟମରେ ଏହି କାର୍ଯ୍ୟ କରାଯାଉଛି । କମ୍ପାନୀ ପକ୍ଷରୁ ସମଗ୍ର ପୃଥିବୀର ହାଇରେଜଲ୍ୟୁସନ୍ ଥ୍ରୀଡି ଡିଜିଟାଲ ରେକର୍ଡ ପ୍ରସ୍ତୁତ କରାଯିବ ବୋଲି ଏହାର ସିଇଓ ଆଣ୍ଡ୍ରେଓ ପିଟିରସନ୍ ସୂଚନା ଦେଇଛନ୍ତି ।
ଏହା ପ୍ରଥମ ଥର ପାଇଁ ନୁହେଁ । ୨୦୦୩ ମସିହାରୁ ପୃଥିବୀର ଥ୍ରୀଡି ମ୍ୟାପିଂ ଆରମ୍ଭ କରାଯାଇଥିଲା । ଆମେରିକାର ଏୟାରଫୋର୍ସ ରିସର୍ଚ୍ଚ ଲ୍ୟାବ ପକ୍ଷରୁ ଏହା ପ୍ରଥମ ଥର ପାଇଁ କରାଯାଇଥିଲା । ଥ୍ରୀଡି ଡାଟା ଷ୍ଟେରେଜ୍ରେ ଏହି ସମୟରେ ସମସ୍ୟା ଦେଖାଦେଇଥିଲା । ମାତ୍ର ଏବେ ଏଥିପାଇଁ ପର୍ଯ୍ୟପ୍ତ ସୁଯୋଗ ସୃଷ୍ଟି ହୋଇଛି ।
