ସମ୍ବଲପୁର : ଦୃଢ଼ ଇଚ୍ଛା ଶକ୍ତି ସମ୍ମୁଖରେ ସବୁ କିଛି ହାର ମାନିଥାଏ। ଏହାର ସଦ୍ୟ ଉଦାହରଣ ସମ୍ବଲପୁରର ବଡବଜାର ବଙ୍ଗାଳିପଡା ନିବାସୀ ମାନବ ବଣିକ ଦେଇଛନ୍ତି। ମାନବ ବଣିକ ଚଳିତ ବର୍ଷ ନିଟ – ୨୦୨୩ରେ ୭୦୦ ନମ୍ବର ମଧ୍ୟରୁ ୬୨୧ ଅଙ୍କ ରଖି ବାଲେଶ୍ୱର ସ୍ଥିତ ଫକୀର ମୋହନ ମେଡିକାଲ କଲେଜରେ ନାମ ଲେଖାଇବା ପାଇଁ କୃତକାର୍ଯ୍ୟ ହୋଇଛନ୍ତି। ମାନବ ଛୋଟ ସମୟରୁ ହିଁ ପାଠପଢ଼ାରେ ଭଲ ଥିବା ବେଳେ ୨୦୧୯ ମସିହାରେ ୮୨ ପ୍ରତିଶତ ମାର୍କ ରଖି ମାଟ୍ରିକ ଉତ୍ତୀର୍ଣ୍ଣ ହୋଇଥିବା ବେଳେ ଗଙ୍ଗାଧର ମେହେର ମହାବିଦ୍ୟାଳୟରେ ଯୁକ୍ତ ୨ ପରୀକ୍ଷରେ ୮୧ ପ୍ରତିଶତ ମାର୍କ ରଖି ସଫଳତା ହାସଲ କରିଛନ୍ତି। ସୂଚନାଯୋଗ୍ୟ ଯେ, ମାନବଙ୍କ ପିତା ମନୋଜ ବଣିକ ତାଙ୍କର ପରିବାର ଭରଣପୋଷଣ ପାଇଁ ଏକ ଅସ୍ଥାୟୀ ଚାହା ଦୋକାନ ତାଙ୍କର ଭାଇ ସଞ୍ଜୟ ବଣିକଙ୍କ ସହିତ ଫାର୍ମ ରୋଡରେ କରିଛନ୍ତି। ମାନବଙ୍କ ମାତା ବନ୍ଦନା ବଣିକ ଗୃହିଣୀ ହୋଇଥିବା ବେଳେ ଅନେକ ଘାତପ୍ରତିଘାତ ଓ ଆର୍ଥିକ ଦୁରାବସ୍ଥା ମଧ୍ୟରେ ସୁଦ୍ଧା ସେ ତାଙ୍କର ମେଡିକାଲ ପାଠର ଲକ୍ଷ୍ୟରୁ କେବେ ମଧ୍ୟ ଦୂରେଇ ଯାଇ ନାହାନ୍ତି। ଅପରପକ୍ଷରେ ନିଟ ପରୀକ୍ଷାରେ କୃତକାର୍ଯ୍ୟ ହେବା ପରେ ଏବେ ଆଗକୁ ମେଡିକାଲ ପାଠ ପାଇଁ ଆବଶ୍ୟକ ହେଉଥିବା ଖର୍ଚ୍ଚ ପାଇଁ ପ୍ରଶାସନ ଓ ବିଭିନ୍ନ ଅନୁଷ୍ଠାନ ମାନଙ୍କ ନିକଟରୁ ସାହାଯ୍ୟ ମିଳିବ ବୋଲି ଆଶାରେ ରହିଛନ୍ତି।
Popular Categories
Previous article
Next article