ପୁରୀ: ଭକ୍ତଙ୍କ ପାଇଁ ଶ୍ରୀମନ୍ଦିର ୪ ଦ୍ୱାର ଖୋଲିବା ପ୍ରସଙ୍ଗରେ ରବିବାର ଟ୍ବିଟ୍ କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ତଥା ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ସୁଦର୍ଶନ ପଟ୍ଟନାୟକ। ସ୍ଥାନୀୟ ବାସିନ୍ଦାଙ୍କ ପାଇଁ ସିଂହଦ୍ୱାରକୁ ବାଦ ଦେଲେ ଅତି କମ୍ରେ ଆଉ ଗୋଟିଏ ଦ୍ୱାର ଖୋଲିବାକୁ ଟ୍ବିଟ୍ କରି ସେ ପ୍ରଶାସନକୁ ଅନୁରୋଧ କରିଛନ୍ତି। କୋଭିଡ଼୍ ସମୟରେ ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିରର ୩ଟି ଦ୍ବାର ବନ୍ଦ କରାଯାଇଥିଲା, ଯାହା ବର୍ତ୍ତମାନ ପର୍ଯ୍ୟନ୍ତ ମଧ୍ୟ ବନ୍ଦ ରହିଛି। ପୁରୀବାସୀଙ୍କ ଭାବାବେଗକୁ ଗୁରୁତ୍ବ ଦେଇ ତୁରନ୍ତ ଆଉ ଗୋଟିଏ ଦ୍ୱାର ଖୋଲିବାକୁ ସୁଦର୍ଶନ ଅନୁରୋଧ କରିଛନ୍ତି।
Jai Jagannath…🙏
During covid-19 pandemic three doors of Shree Jagannath temple were closed for the devotees, but till date all the same has not been opened for the devotees. My humble request and with respect to the local people’s emotion and as a citizen of Puri again… pic.twitter.com/elEmPjvePq— Sudarsan Pattnaik (@sudarsansand) July 23, 2023
ଯଦି ସ୍ଥାନୀୟ ବାସିନ୍ଦାଙ୍କ ପାଇଁ ଅତି କମରେ ଗୋଟିଏ ଦ୍ୱାର ଖୋଲା ନଯାଏ, ତେବେ ଆସନ୍ତାକାଲିଠାରୁ ଶ୍ରୀମନ୍ଦିର ପଶ୍ଚିମ ଦ୍ୱାର ସମ୍ମୁଖରେ ବସି ଆରାଧନା କରିବେ ବୋଲି କହିଛନ୍ତି ସୁଦର୍ଶନ ପଟ୍ଟନାୟକ।
