ବାଉଁଶୁଣି : ବୌଦ୍ଧ ଜିଲା ଗୋଛାପଡା ଗ୍ରାମ ପଞ୍ଚାୟତର ଗୋଛାପଡା ଗ୍ରାମ ତଳସାହି ରାସ୍ତାର ଅବସ୍ଥା ଶୋଚନୀୟ ହୋଇପଡ଼ିଛି । ସରକାର ରାସ୍ତା ତିଆରି ସହ ଏହାର ଉନ୍ନତିକରଣ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବିଭାଗୀୟ ଅଧିକାରୀଙ୍କ ଅବହେଳା ଯୋଗୁ ଏହି ରାସ୍ତା ଅବହେଳିତ ଅବସ୍ଥାରେ ପଡ଼ିରହିଛି । ଅସରାଏ ବର୍ଷା ହେଲେ ରାସ୍ତାରେ ଯିବା ଆସିବା କଷ୍ଟକର ହୋଇପଡୁଛି । ଗାଁରୁ ଛାତ୍ରଛାତ୍ରୀଙ୍କ ସମେତ ଗ୍ରାମବାସୀମାନେ ମଧ୍ୟ ଯିବା ଆସିବା ବେଳେ ଦୁର୍ଘଟଣା ଘଟୁଥିବା ଦେଖିବାକୁ ମିଳୁଛି । ଦୁଃଖ ଓ ପରିତାପର ବିଷୟ ଗୋଛାପଡ଼ା ଗ୍ରାମପଞ୍ଚାୟତ କାର୍ଯ୍ୟାଳୟଠାରେ ଗତ ତା ୧୭.୦୪.୨୦୨୩ ରିଖ ଦିନ ଜିଲାପାଳ ଓ ଆରକ୍ଷୀ ଅଧିକ୍ଷକଙ୍କ ଯୁଗ୍ମ ଅଭିଯୋଗ ଜନ ଶୁଣାଣୀ ଓ ସମାଧାନ ଶିବିର ହୋଇଥିବା ବେଳେ ସେଠାରେ ରାସ୍ତା ପ୍ରସଙ୍ଗ ଉଠାଇ ଗ୍ରାମବାସୀ କଂକ୍ରିଟ ରାସ୍ତା ପାଇଁ ଦାବୀ କରିଥିଲେ । ହେଲେ ତିନି ମାସ ବିତିଯାଇଥିଲେ ମଧ୍ୟ କିଛି ସୁଫଳ ମିଳୁନାହିଁ । ଯେହେତୁ ଏହା ଗ୍ରାମର ଦୈନିକ ଯିବା ଆସିବା ରାସ୍ତା ତେଣୁକରି ତୁରନ୍ତ ଏହି ରାସ୍ତା ସମସ୍ୟାର ସମାଧାନ କରିବାକୁ ଗ୍ରାମବାସୀ ଦାବୀ କରିଛନ୍ତି ।
Popular Categories
Previous article
Next article