ଲାଞ୍ଜିଗଡ଼ : ଲାଞ୍ଜିଗଡ଼ ବ୍ଲକ ଲାଞ୍ଜିଗଡ଼ ଥାନା ଅନ୍ତର୍ଗତ ଜଗନ୍ନାଥପୁରରେ ଜଣେ ମହିଳାଙ୍କ ପାଣିରେ ବୁଡ଼ି ମୃତ୍ୟୁ ହୋଇଥିବା ନେଇ ଶାଶୁଘର ଲୋକେ ସୂଚନା ଦେଇଥିବାବେଳେ ନିର୍ୟାତନା ଦେଇ ହତ୍ୟା କରିଥିବା ନେଇ ଅଭିଯୋଗ ଆଣିଛନ୍ତି ମୃତକଙ୍କ ପରିବାର ଲୋକେ । ଏନେଇ ଲାଞ୍ଜିଗଡ଼ ଥାନାରେ ଏକ ମାମଲା ରୁଜୁ ହୋଇ ତଦନ୍ତ ଜାରି ରହିଥିବାବେଳେ ମୃତ ମହିଳାଙ୍କ ସ୍ବାମୀଙ୍କୁ ଥାନାରେ ଅଟକ ରଖି ପଚରାଉଚରା କରୁଛି ପୁଲିସ । ଅପରପକ୍ଷରେ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ଶବ ହସ୍ତାନ୍ତର କରାଯାଇଛି ।
ସୂଚନାନୁଯାୟୀ, ଲାଞ୍ଜିଗଡ଼ ଥାନା ଅନ୍ତର୍ଗତ ମସ୍କାପଦର ଗାଁର ମିତା ହରିଜନ ନାମକ ଜଣେ ଯୁବତୀଙ୍କୁ ଜଗନ୍ନାଥପୁରର ପ୍ରଶାନ୍ତ ଦୁର୍ଗା ନାମକ ଜଣେ ଯୁବକ ବିବାହ କରିଥିଲେ । ତେବେ ବିବାହ ପରଠୁ ତାଙ୍କୁ ନିର୍ୟାତନା ଦିଆଯିବା ସହ ସ୍ବାମୀ ପ୍ରଶାନ୍ତ ମିତାକୁ ମାରଧର କରୁଥିବା ନେଇ ଝିଅଘର ଲୋକେ ଏତଲାରେ ଦର୍ଶାଇଛନ୍ତି । ସେହିପରି ତାକୁ ମାରଧର କରିଥିବାବେଳେ ଶାଶୁଘର ଲୋକେ ମିତାକୁ ବିଷ ପିଆଇ ମାରି ଦେଇଥିବା ନେଇ ଝିଅଘର ପକ୍ଷରୁ ଦିଆଯାଇଥିବା ଏତଲାରେ ଦର୍ଶାଯାଇଛି । ଅଭିଯୋଗ ପାଇବା ପରେ ଲାଞ୍ଜିଗଡ଼ ଥାନାଧିକାରୀ ଉତ୍ତମ କୁମାର ସାହୁଙ୍କ ନେତୃତ୍ବରେ ପୁଲିସବାହିନୀ ଶବ ଜବତ କରିବା ସହିତ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରିଥିବା ଜଣାପଡ଼ିଛି ।
ମହିଳାଙ୍କ ସନ୍ଦେହଜନକ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
Popular Categories
Previous article
Next article