ଅମୃତସର(ପଞ୍ଜାବ): ଅମୃତସରର ଏକ ଅଦାଲତ ପଞ୍ଜାବର ପୂର୍ବତନ ଉପମୁଖ୍ୟମନ୍ତ୍ରୀ ଓମ ପ୍ରକାଶ ସୋନିଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇଛନ୍ତି। ଦୁଇ ଦିନିଆ ରିମାଣ୍ଡ ଅବଧି ଶେଷ ହେବା ପରେ ବୁଧବାର ସୋନିଙ୍କୁ ଅଦାଲତରେ ହାଜର କରିଥିଲା ଭିଜିଲାନ୍ସ। କୋର୍ଟଙ୍କ ନିର୍ଦ୍ଦେଶ ପରେ ଭିଜିଲାନ୍ସ ଅଧିକାରୀମାନେ ତାଙ୍କ ଡାକ୍ତରୀ ପରୀକ୍ଷା କରି ତାଙ୍କୁ ନ୍ୟାୟିକ ହେପାଜତକୁ ପଠାଇଛନ୍ତି। ତେବେ ପୂର୍ବତନ ଉପମୁଖ୍ୟମନ୍ତ୍ରୀଙ୍କୁ ରିମାଣ୍ଡରେ ନେବାକୁ ଅନୁମତି ଦେବା ପାଇଁ ଭିଜିଲାନ୍ସ କୋର୍ଟଙ୍କୁ ନିବେଦନ କରିଥିଲେ, କିନ୍ତୁ ଶୁଣାଣି ପରେ ସୋନିଙ୍କୁ ନ୍ୟାୟିକ ହେପାଜତକୁ ପଠାଇବାକୁ ବିଚାରପତି ନିର୍ଦ୍ଦେଶ ଦେଇଛନ୍ତି। ଏହି ସମୟରେ ଓପି ସୋନିଙ୍କ ସମର୍ଥକମାନେ କୋର୍ଟ ପରିସରରେ ତାଙ୍କ ସମର୍ଥନରେ ସ୍ଲୋଗାନ ଦେଇଥିଲେ।
ସୂଚନାଯୋଗ୍ୟ ଯେ, ଭିଜିଲାନ୍ସ ବ୍ୟୁରୋ ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ମାମଲା ରୁଜୁ କରି ପଞ୍ଜାବର ପୂର୍ବତନ ଉପମୁଖ୍ୟମନ୍ତ୍ରୀ ଓପି ସୋନିଙ୍କୁ ଜୁଲାଇ ୯ ତାରିଖରେ ଗିରଫ କରିଥିଲା।
Comments are closed.