କଲମପୁର: ପୁଣି ଜଣେ ନାବାଳିକାକୁ ଦୁଷ୍କର୍ମ ଅଭିଯୋଗରେ ମଙ୍ଗଳବାର ଜଣେ ଅଭିଯୁକ୍ତକୁ କଲମପୁର ପୁଲିସ ଗିରଫ କରି ସ୍ୱତନ୍ତ୍ର ପକ୍ସୋ ଅଦାଲତକୁ ଚାଳାଣ କରିଛି।
ସୂଚନା ଅନୁସାରେ, କଲମପୁର ଥାନା ଅଂଚଳର ଜଣେ ଦଳିତ ବର୍ଗର ନାବାଳିକାଙ୍କୁ ଜଣେ ସବର୍ଣ୍ଣ ବର୍ଗର ଯୁବକ ବିବାହର ପ୍ରତିଶୃତି ଦେଇ ଶାରୀରିକ ସମ୍ପର୍କ ରଖିଥିବା ଅଭିଯୋଗ ହୋଇଛି। ନାବାଳିକା ଜଣକ ଗର୍ଭବତୀ ହେବାରେ ବିବାହ ପାଇଁ ଯୁବକଙ୍କୁ ବୁଝାଇଥିଲେ। କିନ୍ତୁ ଯୁବକ ଘଟଣାକୁ ଏଡ଼ାଇଯିବାରୁ ପୀଡ଼ିତା ନାବାଳିକା ନିଜ ପରିବାର ସହଯୋଗରେ ନ୍ୟାୟ ପାଇଁ କଲମପୁର ପୁଲିସ ଥାନାର ଦ୍ୱାରସ୍ଥ ହୋଇଥିଲେ। ଘଟଣାର ଗୁରୁତ୍ୱ ଦୃଷ୍ଟିରୁ କଲମପୁର ଥାନା କେସନଂ ୬୭/୨୦୨୩ରେ ମାମଲା ରୁଜୁ କରି ତୁରନ୍ତ ଅଭିଯୁକ୍ତ ଯୁବକଙ୍କୁ ଥାନାରେ ଅଟକ ରଖିବା ସହ ନାବାଳିକାଙ୍କ ଡାକ୍ତରୀମାଇନା କରାଇଥିଲେ।
ସୂଚନାଯୋଗ୍ୟ, ପାତ୍ରବାସୀ ଗ୍ରାମର ରିତେଶ ରାଉତ ନାମକ ଯୁବକ ନାବାଳିକାଙ୍କୁ ବିବାହର ପ୍ରତିଶୃତି ଦେଇ ଦୁଷ୍କର୍ମ କରିଥିଲା। ଯାହାରି ଫଳରେ ନାବାଳିକା ଜଣକ ଏବେ ୫ ମାସର ଗର୍ଭବତୀ। ତେଣୁ ନ୍ୟାୟ ପାଇଁ ପରିବାର ସହ କଲମପୁର ଥାନାର ଦ୍ୱାରସ୍ଥ ହେଲେ ପୀଡ଼ିତା। ମଙ୍ଗଳବାର ରିତେଶକୁ ଗିରଫ କରି ଭବାନୀପାଟଣା ସ୍ୱତନ୍ତ୍ର ପକ୍ସୋ କୋର୍ଟକୁ ଚାଲାଣ କରାଯାଇଛି। ଏହି ଘଟଣାର ତଦନ୍ତକାରୀ ଅଧିକାରୀ ଭାବେ କଲମପୁର ଥାନାର ଏସଆଇ ଡୋଳାମଣି ବିଶି ଦାୟିତ୍ୱ ନେଇଛନ୍ତି। ଅନ୍ୟପଟେ ଅଭିଯୁକ୍ତ ଯୁବକ ଘଟଣାକୁ ଖଣ୍ଡନ କରିବା ସହ ସମସ୍ତ ପ୍ରକାର ତଦନ୍ତ ଏବଂ ପରୀକ୍ଷାର ସମ୍ମୁଖୀନ ହୋଇ ନିଜକୁ ନିର୍ଦ୍ଦୋଶ ପ୍ରମାଣ କରିବେ ବୋଲି ଦୃଢକ୍ତି ପ୍ରକାଶ କରିଛନ୍ତି। ତେଣୁ ଘଟଣାର ଅଧିକ ତଦନ୍ତ କରାଯିବା ପାଇଁ ସାଧାରଣରେ ଦାବି ହେଉଛି।
