ନୂଆଦିଲ୍ଲୀ: ୟୁଏସ୍ ଓପନ ସୁପର-୩୦୦ ବ୍ୟାଡମିଣ୍ଟନ ପ୍ରତିଯୋଗିତାର କ୍ବାର୍ଟର ଫାଇନାଲରୁ ଦୁଇଟି ଅଲିମ୍ପିକ୍ସ ପଦକ ବିଜେତା ପି.ଭି ସିନ୍ଧୁ ବିଦାୟ ନେଇଥିବାବେଳେ ଲକ୍ଷ୍ୟ ସେନ ସେମିଫାଇନାଲରେ ପ୍ରବେଶ କରିଛନ୍ତି। ଶନିବାର ଖେଳାଯାଇଥିବା ପୁରୁଷ ଏକକ କ୍ବାର୍ଟର ଫାଇନାଲରେ ଲକ୍ଷ୍ୟ ନିଜ ଦେଶର ୧୯ ବର୍ଷୀୟ ଏସ୍ ଶୁଭ୍ରମଣ୍ୟମଙ୍କୁ ୨୧-୧୦ ଓ ୨୧-୧୭ରେ ସିଧାସଳଖ ପରାସ୍ତ କରି ସେମିଫାଇନାଲରେ ପହଞ୍ଚିଛନ୍ତି । ନିକଟରେ କାନାଡା ଓପନ ଜିତିଥିବା ତୃତୀୟ ମାନ୍ୟତାପ୍ରାପ୍ତ ଲକ୍ଷ୍ୟ ନିଜ ପ୍ରଦର୍ଶନକୁ ବଜାୟ ରଖି ଶୁଭ୍ରମଣ୍ୟମଙ୍କ ବିପକ୍ଷରେ ସହଜ ବିଜୟ ହାସଲ କରିଥିଲେ। ସେମିଫାଇନାଲରେ ଲକ୍ଷ୍ୟ ତାଇପେଇର ଏସ୍.ଏଫ ଲି ଙ୍କୁ ଭେଟିବେ। ଅନ୍ୟପକ୍ଷରେ ମହିଳା ଏକକ କ୍ବାର୍ଟର ଫାଇନାଲରେ ତୃତୀୟ ମାନ୍ୟତାପ୍ରାପ୍ତ ସିନ୍ଧୁ ଚୀନର ଜାଓ ଫାଙ୍ଗଙ୍କ ନିକଟରୁ ୨୦-୨୨ ଓ ୧୩-୨୧ରେ ପରାଜିତ ହୋଇ ବିଦାୟ ନେଇଛନ୍ତି। ସିନ୍ଧୁ ପ୍ରଥମ ସେଟ୍ରେ ସଂଘର୍ଷ କରି ଟାଇବ୍ରେକରରେ ପରାଜିତ ହୋଇଥିବାବେଳେ ଦ୍ବିତୀୟ ସେଟ୍ରେ ପ୍ରତ୍ୟାବର୍ତ୍ତନ କରିବାର ସୁଯୋଗ ପାଇନଥିଲେ।
Popular Categories
Previous article
Next article