ହରଭଙ୍ଗା : ହରଭଙ୍ଗା ବ୍ଲକ ପୁରୁଣାକଟକ ଫରେଷ୍ଟ ରେଞ୍ଜ ଅନ୍ତର୍ଗତ କସ୍ତୁରବା ଗାନ୍ଧୀ ବାଳିକା ଆବାସିକ ବିଦ୍ୟାଳୟ ପରିସରରେ ଥିବା ହଷ୍ଟେଲରୁ ବନବିଭାଗ ଶୁକ୍ରବାର ଚଢ଼ାଉ କରି ୬ ଫୁଟ ଲମ୍ବର ୦୮ଖଣ୍ଡ ଏବଂ ସାଢେ ୪ଫୁଟ ଲମ୍ବର ୧୨ ଖଣ୍ଡ ଶାଗୁଆନ ପଟା ଜବତ କରିଛି । ସ୍କୁଲ ପରିସରରେ ଥିବା ଶାଗୁଆନ ଗଛ ଉପୁଡ଼ି ପଡ଼ିଥିଲା । ସ୍କୁଲ କର୍ତ୍ତୃପକ୍ଷ ବନବିଭାଗକୁ ନ ଜଣାଇ ଶାଗୁଆନ ପଟା କାଟି ରଖିଥିଲେ । ବିଶେଷ ସୂତ୍ରରୁ ଖବର ପାଇଁ ବନବିଭାଗ ଚଢାଉ କରି ପଟାଗୁଡିକ ଜବତ କରିଥିବା ଫରେଷ୍ଟର ଗୋବର୍ଧନ ମେହେର ସୂଚନା ଦେଇଛନ୍ତି। ଏ ନେଇ ବନବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତ କରାଯାଉଛି।
Comments are closed.