କୋଲକୋତା: ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନ ପାଇଁ ଆଜି ଜାରି ରହିଛି ମତଦାନ । ଜୁନ୍ ୮ରେ ପଞ୍ଚାୟତ ନିର୍ବାଚନ ନେଇ ତାରିଖ ଘୋଷଣା ପରଠୁ ନିର୍ବାଚନୀ ହିଂସାରେ ଜଳୁଛି ପଶ୍ଚିମବଙ୍ଗ। ନିର୍ବାଚନୀ ହିଂସା ଫଳରେ ୮ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ସୁରକ୍ଷା ବ୍ୟବସ୍ଥାକୁ ନିୟନ୍ତ୍ରଣାଧୀନ କରିବାକୁ ୧.୩୫ ଲକ୍ଷ ଯବାନଙ୍କୁ ମୁତୟନ କରାଯାଇଥିଲେ ମଧ୍ୟ ହିଂସା ଥମିବାର ନାଁ ଧରୁନି। କଡ଼ା ସୁରକ୍ଷା ମଧ୍ୟରେ ମତଦାନ ହେବା ସତ୍ତ୍ବେ ବି ବିଭିନ୍ନ ସ୍ଥାନରେ ପୁଲିଂ ବୁଥରେ ନିଆଁ ଲଗାଯିବା ସହ ବାଲାଟ ପେପର ଲୁଟ୍ ହୋଇଥିବା ଜଣାପଡ଼ିଛି। କୁବିହାରର ଦିନାହାଟ ଅଞ୍ଚଳର ଏକ ମତଦାନ କେନ୍ଦ୍ରରେ ଘମାଘୋଟ ଲଢ଼େଇ ହୋଇଛି। ଉକ୍ତ କେନ୍ଦ୍ରରେ ଟିଏମ୍ସି କର୍ମୀ ମତଦାନ କେନ୍ଦ୍ରର ଅଧିକାରୀଙ୍କୁ ଆକ୍ରମଣ କରିବା ସହ କେନ୍ଦ୍ରରେ ଭଙ୍ଗାରୁଜା କରିଥିବା ଜଣାଯାଇଛି। ଫଳରେ ମତଦାନକୁ ସ୍ଥଗିତ ରଖାଯାଇଛି। ପୂର୍ବ ବର୍ଦ୍ଧମାନରେ ଶୁକ୍ରବାର ରାତିରେ ଜଣେ ସିପିଆଇଏମ୍ କର୍ମକର୍ତ୍ତାଙ୍କୁ ଗୁଳି ମରାଯାଇଥିବାବେଳେ ଶନିବାର ସକାଳେ ତାଙ୍କ ମୃତ୍ୟୁ ହୋଇଛି। ଦକ୍ଷିଣ ୨୪ ପ୍ରଗଣା ଜିଲ୍ଲାରେ ସ୍ଥିତି ଉତ୍ତେଜନାମୂଳକ ରହିଛି। ଦୁର୍ବୃତ୍ତମାନେ ଆଇଏସ୍ଏଫ କର୍ମୀଙ୍କ ଉପରକୁ ଗୁଳି ଚଳାଇବାରୁ ୪ ଜଣ ଗୁରୁତର ଅବସ୍ଥାରେ ଚିକିତ୍ସାଧୀନ ଅଛନ୍ତି। ଉଭୟ ପକ୍ଷ ମଧ୍ୟରେ ଗଣ୍ଡଗୋଳ ହୋଇଥିବା ବେଳେ ଘଟଣାସ୍ଥଳରୁ ବୋମା ଓ ଗୁଳି ଜବତ ହୋଇଛି।
Popular Categories
Previous article
Next article