ଆଠଗଡ : ଆଠଗଡ ଇନରହ୍ୱିଲ କ୍ଲବ ପକ୍ଷରୁ ଖୁଣ୍ଟୁଣୀସ୍ଥିତ ଆଦର୍ଶ କାରାଗାର ପରିସରରେ ରବିବାର ବନ ମହୋତ୍ସବ ସପ୍ତାହ ପାଳନ କରାଯିବ ସହ ଚାରା ରୋପଣ କରାଯାଇଛି । କ୍ଲବର ସଭାନେତ୍ରୀ ମଞ୍ଜୁଲତା ମହାଳିକଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆଦର୍ଶ କାରାଗାରର ଅଧିକ୍ଷକ ସୁଶାନ୍ତ କୁମାର ରାଉତ, ସହକାରୀ କାରାପାଳ ଆଲୋକ କୁମାର ମହାନ୍ତି ଓ କ୍ଲବର ପୂର୍ବତନ ସଭାନେତ୍ରୀ ପୁଲିନ ମିଶ୍ର ଅତିଥି ଭାବେ ଉଦ୍ବୋଧନ ଦେଇ ପରିବେଶ ସୁରକ୍ଷା ଆମ ସମସ୍ତଙ୍କର ନୈତିକ ଓ ସାମାଜିକ ଦାୟିତ୍ୱ ବୋଲି ପ୍ରକାଶ କରିଥିଲେ । ବ୍ୟାପକ ଜଙ୍ଗଲ ସଂପଦର କ୍ଷୟ ଯୋଗୁଁ ବିଶ୍ୱର ତାପମାତ୍ରା ବୃଦ୍ଧି ପାଇବା ସହିତ ଏହା ଜୀବଜଗତ ପାଇଁ ଘୋର ବିପଦ ସୃଷ୍ଟି କଲାଣି । ଏହାକୁ ପ୍ରତିହତ କରିବ ପାଇଁ ଜଙ୍କଲ ସଂପଦର ସୁରକ୍ଷା, ନୂତନ ଜଙ୍ଗଲ ଓ ସବୁଜ ବଳୟ ସୃଷ୍ଟି ସହିତ ଆର୍ଦ୍ରଭୂମିର ସୁରକ୍ଷା ଜରୁରୀ ବୋଲି ସେମାନେ ମତବ୍ୟକ୍ତ କରିଥିଲେ । କ୍ଲବର ବରିଷ୍ଠ ସଦସ୍ୟ ମଞ୍ଜୁଳା ଦାସ, ଜ୍ୟୋସ୍ନାରାଣୀ ପତି, ପ୍ରଣତି ପଣ୍ଡା, ଦୀପାଳି ଦାଶ, ରାଜେଶ୍ୱରୀ ଗୋସ୍ୱାମୀ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। କାରାଗାରର ଅଧିକାରୀ ଓ କର୍ମଚାରୀ ଦେବରାଜ ପରିଡା, ପ୍ରକାଶ କୁମାର ବେହେରା, ମନୋଜ କୁମାର ଖୁଣ୍ଟିଆ ଦିଲ୍ଲିପ କୁମାର ପଣ୍ଡା ପ୍ରମୁଖ ସହଯୋଗ କରିଥିଲେ।
Comments are closed.