ପିପିଲି: ପତଞ୍ଜଳୀ ଯୋଗ ସମିତି ଏବଂ ଭାରତ ସ୍ୱାଭିମାନ ଟ୍ରଷ୍ଟର ପୁରୀ ଜିଲା ଶାଖା, ପିପିଲିର ମା’ କନକଦୁର୍ଗା ଯୋଗ ସମିତି ଓ ଆଦିଯୋଗୀ ଯୋଗ ସମିତି ପକ୍ଷରୁ ସ୍ଥାନୀୟ ଜବାହର ବିଦ୍ୟାପୀଠ ଖେଳ ପଡ଼ିଆଠାରେ ବୁଧବାର ୯ମ ଅନ୍ତର୍ଜାତୀୟ ଯୋଗ ଦିବସ ସମାରୋହରେ ପାଳିତ ହୋଇଯାଇଛି। ଏଥିରେ ପତଞ୍ଜଳୀ ଯୋଗ ପ୍ରଚାରକ ଦୀପକ କୁମାର ସ୍ୱାଇଁ ଯୋଗଦେଇ ଯୋଗ ପ୍ରାଣାୟମ ଅଭ୍ୟାସ ଦ୍ୱାରା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଉଥିବା ସଂପର୍କରେ ଆଲୋକପାତ କରିଥିଲେ। ଏଥିସହ ବିଭିନ୍ନ ରୋଗର ନିରାକରଣ ନିମନ୍ତେ ବିଭିନ୍ନ ପ୍ରକାର ଯୋଗର ପ୍ରଶିକ୍ଷଣ ପ୍ରଦାନ କରିଥିଲେ। ଏଥିରେ ୨ଶହରୁ ଊର୍ଦ୍ଧ୍ବ ପୁରୁଷ ଓ ମହିଳାଙ୍କ ସମେତ ବିଭିନ୍ନ ସ୍କୁଲ ଓ କଲେଜର ଛାତ୍ରଛାତ୍ରୀମାନେ ଯୋଗଦେଇ ଯୋଗାଭ୍ୟାସ କରିଥିଲେ। ପୁରୀ ଜିଲା ବିଜେପି ସଭାପତି ଆଶ୍ରୀତ ପଟ୍ଟନାୟକ, ପିପିଲି ଏନ୍ଏସିର ପୂର୍ବତନ ପୌର ଉପାଧ୍ୟକ୍ଷ ସୁକାନ୍ତ ଭଟ୍ଟ, ଆଇନଜୀବୀ ରମାକାନ୍ତ ସାହୁ, ଚିତ୍ତରଞ୍ଜନ ନାୟକ, ଅଧ୍ୟାପକ ସନ୍ତୋଷ ରାଉତରାୟ, ସମାଜସେବୀ ପ୍ରଭାତ କୁମାର ମହାପାତ୍ର, ପ୍ରଭାକର ପଣ୍ଡା, ପ୍ରତାପ କୁମାର ଦଳାଇ, ଅଞ୍ଜନ ମୁଖାର୍ଜ୍ଜୀ, ଜେନାମଣି ଆଶିଷ ରଞ୍ଜନ ଜେନା, ପ୍ରଫୁଲ୍ଲ ଦାଶ, ଭଗବାନ ବରାଳ, ମିଟୁ ନନ୍ଦୀ, ଅଭିମନ୍ୟୁ ନାୟକ, ଭିକାରୀ ବରାଳ, ଲକ୍ଷ୍ମୀଧର ପ୍ରଧାନ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ।
Comments are closed.