ନ୍ୟୁୟର୍କ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନ୍ୟୁୟର୍କରେ ଭାରତୀୟ ବଂଶୋଦ୍ଭବ ଆମେରିକୀୟ ଗାୟକ, ସ୍ୱର ସଂଯୋଜକ ତଥା ଗ୍ରାମୀ ପୁରସ୍କାର ବିଜେତା ଫାଲଗୁନି ଶାହାକୁ ସାକ୍ଷାତ କରିଛନ୍ତି । ତାଙ୍କର ସଂଗୀତ ‘Abundance in Millets’ ପାଇଁ ପ୍ରଧାନମନ୍ତ୍ରୀ ତାଙ୍କର ଭୂୟସୀ ପ୍ରଶଂସା କରିଛନ୍ତି । ଏହି ସଂଗୀତ ମିଲେଟସର ସ୍ୱାସ୍ଥ୍ୟ ଓ ପରିବେଶ ପ୍ରତି ଉପକାରିତା ବିଷୟରେ ସଚେତନତା ସୃଷ୍ଟି କରିଥିଲା । ତାଙ୍କର ସଂଗୀତ ମାଧ୍ୟମରେ ସେ ଭାରତ ଓ ଆମେରିକାର ଜନସାଧାରଣଙ୍କୁ ଏକାଠି କରାଇ ପାରୁଥିବାରୁ ପ୍ରଧାନମନ୍ତ୍ରୀ ତାଙ୍କର ଉଚ୍ଚ ପ୍ରଶଂସା କରିଛନ୍ତି ।
ଶ୍ରୀ ମୋଦୀ ନୋବେଲ ପୁରସ୍କାର ବିଜେତା ପ୍ରଫେସର ପଲ୍ ରୋମରଙ୍କୁ ମଧ୍ୟ ସାକ୍ଷାତ୍ କରିଛନ୍ତି । ପଲ୍ ରୋମର ହେଉଛନ୍ତି ଆମେରିକାର ଜଣେ ବିଶିଷ୍ଟ ଅର୍ଥନୀତିଜ୍ଞ ଓ ନୀତି ନିର୍ଦ୍ଧାରଣକାରୀ । ସେମାନେ ଭାରତର ଡିଜିଟାଲ ଅଗ୍ରଗତି ବିଷୟରେ ପୁଙ୍ଖାନୁପୁଙ୍ଖ ଚର୍ଚ୍ଚା କରିଛନ୍ତି । ଆଧାର ଓ ଡିଜି ଲକର ବିଷୟରେ ମଧ୍ୟ ଆଲୋଚନା କରାଯାଇଛି । ଭାରତର ସହରାଞ୍ଚଳ ବିକାଶ କାର୍ଯ୍ୟକ୍ରମ ଉପରେ ସେମାନେ ବିଷଦ ଭାବେ ଆଲୋଚନା ହୋଇଛି ।
Comments are closed.