ଫୁଲବାଣୀ: କନ୍ଧମାଳରେ ଗତ କିଛିଦିନ ହେଲା ମୁଣ୍ଡଫଟା ଖରା ସହିତ ପ୍ରବଳ ଗୁଳୁଗୁଳି ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଛି। ଗତ ପ୍ରାୟ ଏକ ସପ୍ତାହ ହେଲା ଫୁଲବାଣୀରେ ପାରଦ ୪୦ ଡ଼ିଗ୍ରିରେ ରହିଥିବା ବେଳେ ରବିବାର ଫୁଲବାଣୀ ମହକୁମାରେ ପାରଦ ୪୨ ଡ଼ିଗ୍ରି ପହଞ୍ଚିଛି। ଦିନ ୧୦ଟା ପରେ ବଜାର ଘାର ସଂପୂର୍ଣ୍ଣ ଶୁନଶାନ୍ ହୋଡ଼ିଥିବାର ଦେଖାଯାଇଥିଲା। ମୌସୁମି ଆସିବାରେ ବିଳମ୍ବ ହୋଇଥିବା ବେଳେ ଲୋକେ ବର୍ଷାକୁ ଚାତକ ପରି ଅନାଇ ବସିଛନ୍ତି। ସଦର ମହକୁମାରେ ଦୀର୍ଘଦିନ ହେଲା ବର୍ଷା ହୋଇ ନାହିଁ। ବିଭିନ୍ନ ଜଳ ସ୍ତର କମିବାରେ ଲାଗିଥିବା ବେଳେ ଜଳ ଉତ୍ସ ସୁଖିବାରେ ଲାଗିଛି। ଏହି କାରଣରୁ ଅନେକ ସ୍ଥାନରେ ଜଳ ସଙ୍କଟ ଉଗ୍ରରୁପ ଧାରଣ କଲାଣି। ଏହିଭଳି ପାଣିପାଗ ଆଉ କିଛିଦିନ ଜାରି ରହିଲେ ଅବସ୍ଥା ସଙ୍ଗୀନ ହେବା ଆଶଙ୍କା କରାଯାଇଛି। ଆଜି ସୁଦ୍ଧା ଜିଲାରେ କୌଣସି ସ୍ଥାନରେ ଅଂଶୁଘାତ ଜନିତ ମୃତ୍ୟୁ ହୋଇନଥିଲେ ମଧ୍ୟ ଯେ କୌଣସି ପରିସ୍ଥିତି ପାଇଁ ଜିଲା ପ୍ରଶାସନ ପ୍ରସ୍ତୁତି ରହିଥିବା ସୂଚନା ଦେଇଛନ୍ତି ଜିଲା ସୂଚନା ଆପାତକାଳିନ ଅଧିକାରୀ ପ୍ରଦ୍ୟୁମ୍ନ ମଣ୍ଡଳ। ପୌର ପରିଷଦ ପକ୍ଷରୁ ସହରର ବିଭିନ୍ନ ସ୍ଥାନରେ ସାଧାରଣ ଜନତାଙ୍କ ପାଇଁ ପାନୀୟ ଜଳର ବ୍ୟବସ୍ଥା କରାଯାଇଥିଲେ ମଧ୍ୟ ବୁଲା ଗାଈ ଗୋରୁ ଓ ଅନ୍ୟ ପଶୁ ପକ୍ଷୀ ମାନଙ୍କ ପାଇଁ ଜଳ କଷ୍ଟ ବଳିପଡ଼ିଛି। ସହରର କୌଣସି ସ୍ଥାନରେ ମଧ୍ୟ ପଶୁ ଓ ପକ୍ଷୀ ମାନଙ୍କ ପାଇଁ କୌଣସି ପ୍ରକାର ବ୍ୟବସ୍ଥା ପ୍ରାଣୀ ସଂପଦ ବିଭାଗ ପକ୍ଷରୁ କରାଯାଇନଥିବା ଯୋଗୁଁ ଏ ନେଇ ସାଧାରଣରେ ମଧ୍ୟ ଅସନ୍ତୋଷ ପ୍ରକାଶ ପାଇଛି।
Popular Categories
Previous article
Next article