ଭୁବନେଶ୍ବର: କାଷ୍ଟିଂ କାଉଚ୍ ଅଭିଯୋଗକୁ ନେଇ ଅଭିନେତ୍ରୀ ପ୍ରକୃତି ମିଶ୍ର ଏବଂ ପ୍ରଯୋଜକ ସଞ୍ଜୟ ନାୟକଙ୍କ ମଧ୍ୟରେ ଲାଗିରହିଥିବା ମୁହାମୁହିଁ ସ୍ଥିତି ଏବେ ଘନେଇବାରେ ଲାଗିଛି। ନିର୍ଦ୍ଧିଷ୍ଟ ଗଣମାଧ୍ୟମରେ ଅଭିନେତ୍ରୀ ପ୍ରକୃତି ମିଶ୍ର ଉଠାଇଥିବା କାଷ୍ଟିଂ କାଉଚ ଅଭିଯୋଗ ବିରୋଧରେ ଗତକାଲି ପ୍ରଯୋଜକ ସଞ୍ଜୟ ନାୟକ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ। ଏହାପରେ ଆଜି ପ୍ରକୃତି ମିଶ୍ର ମୁମ୍ବାଇରେ ଥାନାରେ ଏତଲା ଦେଇଛନ୍ତି। ସେ ଚଳଚ୍ଚିତ୍ର ପ୍ରଯୋଜକ ସଞ୍ଜୟ ନାୟକଙ୍କ ନାମରେ ମୁମ୍ବଇର ଦାଦାଭାଇ ନାରୋଜି ନଗର ଥାନାରେ ଲିଖିତ ଅଭିଯୋଗ କରିଛନ୍ତି। ସଞ୍ଜୟ ନାୟକ ତାଙ୍କର ଅପମାନ ଓ ମାନହାନି କରିଥିବା ସେ ଅଭିଯୋଗ ଆଣିଛନ୍ତି।
ୱେଷ୍ଟ ଅନ୍ଧେରୀର ଦାଦା ଭାଇ ନାରୋଜି ପୁଲିସ ଷ୍ଟେସନରେ ପ୍ରକୃତି ନିଜର ଏବଂ ପରିବାରର ମାନହାନୀ ହୋଇଥିବା ନେଇ ଅଭିଯୋଗ କରିବା ସହ ଏତଲା ଦେଇଛନ୍ତି। ଏତଲା ଆଧାରରେ ପୁଲିସ ଆଇପିସି ଦଫା ୫୦୦, ୫୦୪ ଏବଂ ୫୦୬ ଲଗାଇ ମାମଲା ରୁଜୁ ସହ ତଦନ୍ତ ଆରମ୍ଭ କରିଛି।
