ଡେସ୍କ : ବାହାନଗା ରେଳ ଦୁର୍ଘଟଣାର ସିବିଆଇ ତଦନ୍ତ ନେଇ ରେଳବାଇ ବୋର୍ଡ଼ ପକ୍ଷରୁ ସୁପାରିସ କରାଯାଇଛି । ସିବିଆଇ ତଦନ୍ତ ପାଇଁ ରେଳବାଇ ବୋର୍ଡ଼ ସୁପାରିସ କରିଥିବା ସଂପର୍କରେ ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ ଗଣମାଧ୍ୟମକୁ ସୂଚନା ଦେଇଛନ୍ତି । ତେବେ ଦୁର୍ଘଟଣା ସ୍ଥଳରେ ଯୁଦ୍ଧକାଳୀନ ଭିତ୍ତିରେ ପୁନରୁଦ୍ଧାର କାର୍ଯ୍ୟ ଚାଲିଛି ଏବଂ ଖୁବ୍ଶୀଘ୍ର ସେହି ପଥରେ ରେଳ ଚଳାଚଳ ହୋଇପାରିବ ବୋଲି ଆଶା କରାଯାଉଛି।
ଇଲେକ୍ଟ୍ରୋନିକ ଇଣ୍ଟରଲକିଂ ପରିବର୍ତ୍ତନ ଯୋଗୁ ବାଲେଶ୍ୱର ବାହାନଗା ଠାରେ ଟ୍ରେନ ଦୁର୍ଘଟଣା ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଥିଲା । ସେହି ରୁଟରେ ଟ୍ରାକ ପରିବର୍ତ୍ତନ ପାଇଁ ଥିବା ଇଲେକ୍ଟ୍ରୋନିକ ଇଣ୍ଟରଲକିଂରେ ତ୍ରୁଟିପୂର୍ଣ୍ଣ ପରିବର୍ତ୍ତନ ଯୋଗୁ ଏଭଳି ଘଟିଥିବା ପୂର୍ବରୁ ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ କହିଥିଲେ ।
#WATCH | Railway Board recommends CBI probe related to #OdishaTrainAccident, announces Railways minister Vaishnaw pic.twitter.com/X9qUs55fZr
— ANI (@ANI) June 4, 2023
ତେବେ ଏହି ଦୁର୍ଘଟଣାର ଉଚ୍ଚ ସ୍ତରୀୟ ତଦନ୍ତ ପାଇଁ ରେଳ ସୁରକ୍ଷା ଆୟୋଗଙ୍କୁ ଦାୟିତ୍ବ ଦିଆଯାଇଛି। ଦୁର୍ଘଟଣା ପାଇଁ ଦାୟୀ ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘଟଣାସ୍ଥଳ ପରିଦର୍ଶନ କରିବା ପରେ କହିଥିଲେ।
