ବୌଦ୍ଧ: ବୌଦ୍ଧ ଏନଏସିର ବିଭିନ୍ନ ପ୍ରକଳ୍ପର ଅଗ୍ରଗତି ସଂପର୍କରେ ସମୀକ୍ଷା କରିବା ପାଇଁ ଜିଲାପାଳ ପ୍ରକଳ୍ପ ଗୁଡିକ ବୁଲି ଦେଖିଛନ୍ତି। ଗୁରୁବାର ସକାଳୁ ଜିଲାପାଳ ସତ୍ୟରଂଜନ ସାହୁ ଅନ୍ୟ ଅଧିକାରୀମାନଙ୍କ ସହିତ ଏନଏସି ପକ୍ଷରୁ ରଘୁନାଥ ମନ୍ଦିର ନିକଟରେ ନିର୍ମାଣାଧିନ ଭେଣ୍ଡିଂଜୋନ, ବିଜୁ ପଟ୍ଟନାୟକ ଛକସ୍ଥିତ ପଥପ୍ରାନ୍ତ ସୁବିଧା କେନ୍ଦ୍ର ସମ୍ମୁଖରେ ବ୍ଲକ ପକ୍ଷରୁ ନିର୍ମାଣାଧୀନ ଯାତ୍ରୀ ବିଶ୍ରାମାଗାର ବୁଲି ଦେଖିବା ସହ ଅଧିକାରୀମାନଙ୍କୁ ତୁରନ୍ତ କାର୍ଯ୍ୟ ସଂପୁର୍ଣ୍ଣ କରିବାକୁ ନିର୍ଦ୍ଦେଶ ଦେଇଥିଲେ। ଏହାପରେ ଜିଲ୍ଲା ପାଠାଗାର ପରିସର ମଧ୍ୟରେ ମୁକ୍ତା ଯୋଜନାରେ ନିର୍ମାଣ ହେବାକୁ ଥିବା ମୁକ୍ତ ପାଠାଗାର,ଚଲାପଥ,ବ୍ୟାୟାମ ଶାଳା ଆଦି କାର୍ଯ୍ୟ ତ୍ୱରାନ୍ୱିତ କରିବାକୁ ନିର୍ବାହୀ ଅଧିକାରୀ ଏନଏସିଙ୍କୁ ନିର୍ଦ୍ଦେଶ ଦେଇଥିଲେ। ଏହି ଅବସରରେ ଜିଲା ଜରୂରୀ ଅଧିକାରୀ ଚନ୍ଦ୍ରକାନ୍ତ ବେହେରା, ଜିଲା ସୂଚନା ଓ ଲୋକସଂପର୍କ ଅଧିକାରୀ ରିତାକାନ୍ତି ବଳିୟାରସିଂହ ଓ ନିର୍ବାହୀ ଅଧିକାରୀ ଇଂ. ମନୋରଂଜନ ପଣ୍ଡା ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article