ଦେବଗଡ଼:ଆଜି ସଂଧ୍ୟାରେ ରିଆମାଳ ବ୍ଲକ ତଥା କୁଣ୍ଢେଇଗୋଳା ଥାନା ଅନ୍ତର୍ଗତ କୋରଡପଶି ଗ୍ରାମର ଏକ ଛେଳି ଗୁହାଳରେ ଅଗ୍ନିକାଣ୍ଡ ଘଟି ୩୫ ଛେଳି ଜୀବନ୍ତ ଦଗ୍ଧ ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ଆଜି ସଂଧ୍ୟା ପ୍ରାୟ ୬ଟା ୩୦ମିନିଟ ସମୟରେ କୋରଡପଶି ଗ୍ରାମର ଶୁଦ୍ର ପେଂଠେଇଙ୍କ ଚାଳ ଛପର ବିଶିଷ୍ଟ ଛେଳିକୋଠୀ (ଛେଳି ଗୁହାଳ)ରେ କୌଣସି କାରଣରୁ ହଠାତ ନିଆଁ ଲାଗିଯାଇଥିଲା। ଫଳରେ ଉକ୍ତ ଛେଳି କୋଠୀକୁ ଲାଗି ରହିଥିବା ଶୁଦ୍ରଙ୍କ ଘର ଭିତରେ ଥିବା ପରିବାର ଲୋକେ ବାହାରକୁ ବାହାରି ନିଜ ନିଜର ଜୀବନ ବଂଚାଇବାରେ ସଫଳ ହୋଇଥିଲେ। ମାତ୍ର ଗ୍ରାମବାସୀଙ୍କ ସହିତ ମିଶି ଛେଳି ଗୁହାଳରୁ ନିଆଁ ଲିଭାଇବାକୁ ଉଦ୍ୟମ କରିଥିଲେ ହେଁ ଏହା ସମ୍ଭବ ହୋଇନଥିଲା ଓ ସେଠାରେ ଥିବା ସମସ୍ତ ଛେଳି ଜୀବନ୍ତ ଦଗ୍ଧ ହୋଇ ଯାଇଥିଲେ।
