ହରଭଙ୍ଗା : ଜଗନ୍ନାଥ ଭକ୍ତ ବିଜୟ କୁମାର ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ସୁଦୁର ରାଜସ୍ଥାନରୁ ପୁରୀକୁ ରାଜରାସ୍ତାରେ ଦଣ୍ଡ ମାରି ଯାତ୍ରା କରୁଛନ୍ତି।ବିଜୟ କୁମାର ଚାରିଛକରେ ପହଂଚିି ସାରିଛନ୍ତି। ଚାରିଛକରେ ପହଂଚିବା କ୍ଷଣି ଚାରିଛକ ବଣିକ ସଂଘପକ୍ଷରୁ ବିଜୟଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା। ଏହା ସହ ବଣିକ ସଂଘ ପକ୍ଷରୁ ବିଜୟଙ୍କ ପାଇଁ ଖାଦ୍ୟ ପାନୀୟ ଯୋଗାଇ ଦିଆଯାଇଥିଲା। ଏହି ଅବସରରେ ବଣିକ ସଂଘ ସଭାପତି ଦିଲ୍ଲୀପ ସାହୁ, ସମ୍ପାଦକ ବାପି ନାୟକ, ବିଜୟ ସଡଙ୍ଗୀ,ମନ ସାଥୁଆ,ଦୁଃଷାସନ ସାହୁ,ଟୁଟୁ ମହାନ୍ତି ପ୍ରମୁଖ ଉପସ୍ଥିତ ଥିଲେ।
