ପୁରୀ : ଦୀପାବଳି ଉପଲକ୍ଷେ ଶ୍ରୀକ୍ଷେତ୍ର ପୁରୀରେ ବୁଧବାର ପ୍ରବଳ ଜନ ସମାଗମ ହୋଇଛି। ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା ଲୋକମାନେ ଶ୍ରୀମନ୍ଦିରର ବାଇଶି ପାହାଚଠାରେ ପିତୃପୁରୁଷଙ୍କ ଉଦ୍ଦେଶ୍ୟରେ ଶ୍ରାଦ୍ଧ ଓ ପିଣ୍ଡଦାନ କରୁଛନ୍ତି। ଶ୍ରାଦ୍ଧ ପରେ ଶ୍ରଦ୍ଧାଳୁମାନେ ସିଂହଦ୍ୱାର ସମ୍ମୁଖରେ କାଉଁରିଆ ଜାଳି ବଡ଼ବଡ଼ୁଆ ଡାକୁଥିବା ଦେଖିବାକୁ ମିଳିଛି। ପବିତ୍ର କାର୍ତ୍ତିକ ମାସରେ ଶ୍ରୀଜୀଉମାନଙ୍କର ରାଧାଦାମୋଦର ବେଶ ଦେଖିବା ଲାଗି ଶ୍ରଦ୍ଧାଳୁମାନଙ୍କର ଭିଡ଼ ଦେଖିବାକୁ ମିଳିଛି। ବଡ଼ବଡ଼ୁଆ ଡାକରେ ବଡ଼ ଦାଣ୍ଡ କମ୍ପି ଉଠୁଛି। ପ୍ରବଳ ଭକ୍ତଙ୍କ ସମାଗମ ଯୋଗୁ ମନ୍ଦିର ପ୍ରାଶାସନ ପକ୍ଷରୁ ବ୍ୟପାକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
