କେଦାରନାଥ .- ଦୀପାବଳି ଅବସରରେ ପ୍ରଧାନମନ୍ତ୍ରୀ ମୋଦି କେଦାରନାଥଙ୍କୁ ଦର୍ଶନ କରିଛନ୍ତି । ବୁଧବାର ସକାଳେ ପ୍ରଧାନମନ୍ତ୍ରୀ କେଦାରନାଥରେ ପହଞ୍ଚିଥିଲେ । ୨୦୧୩ ବାଦଲଫଟା ବର୍ଷା ଓ ବନ୍ୟାପରେ ସେଠାରେ କରାଯାଉଥିବା ନିର୍ମାଣ କାର୍ଯ୍ୟର ତଦାରଖ କରିଥିଲେ । ବାଦଳ ଫଠା ବର୍ଷା ଓ ବନ୍ୟାରେ ହଜାର ହଜାର ଶ୍ରଦ୍ଧାଳୁ ପ୍ରାଣ ହରାଇଥିଲେ ।
ଗତ ୬ ମାସ ମଧ୍ୟରେ ପ୍ରଧାନମନ୍ତ୍ରୀ ୨ ଥର କେଦାର ନାଥ ଗସ୍ତ କରିଛନ୍ତି । ଏବେ କେଦାରନାଥରେ ତୁଷାରପାତ ହେଉଛି । ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ବରଫ ସଫା କରାଯିବା ସହ କେଦାରନାଥଙ୍କ ମନ୍ଦିରକୁ ସୁନ୍ଦର ଭାବରେ ସଜା ଯାଇଥିଲା । ସେଠାରେ ୫୦୦ ଦୀପ ପ୍ରଜ୍ୱଳନ କରାଯାଇଥିଲା । ସେନା ବାହିନୀର ଯବାନଙ୍କ ସହ ପ୍ରଧାନମନ୍ତ୍ରୀ ଦୀପାବଳି ପାଳନ କରିବାର କାର୍ଯ୍ୟକ୍ରମ ରହିଛି ।
