ଭୁବନେଶ୍ୱର – ରାଜ୍ୟରେ ରୌଦ୍ରର ପ୍ରକୋପ । ଗରମରେ ଛଟପଟ ହେଉଥିବା ଲୋକ ଆହୁରି ଅଧିକ ତାପର ପ୍ରକୋପକୁ ସହ୍ୟ କରିବେ । ଓଡ଼ିଶା ସହିତ ଦେଶର ୯ଟି ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ ପାଇଁ ଭାରତୀୟ ପାଣିପାଗ ବିଭାଗର ଗ୍ରୀଷ୍ମ ପ୍ରବାହ ( Heatwave ) ନେଇ ସତର୍କସୂଚନା ଜାରି କରାଯାଇଛି ।
ଶନିବାରରେ ଗୁଜୁରାଟ ଏବଂ ରାଜସ୍ଥାନ, ଶନି ଏବଂ ରବିବାରରେ ମଧ୍ୟପ୍ରଦେଶରେ ଗ୍ରୀଷ୍ମପ୍ରବାହ ହେବ । ମେ ୧୫ ଏବଂ ୧୬ ତାରିଖରେ ବିହାର . ଓଡ଼ିଶା ସହ ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଏବଂ ପୁଡୁଚେରୀରେ ଗ୍ରୀଷ୍ମ ପ୍ରବାହ ହେବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ପ୍ରବଳ ଖରାରେ ବାହାରେ ନବୁଲିବ, ଛତା କଳାଚଷମା ଓଦା ଗାମୁଛା ବ୍ୟବହାର କରିବା । ଲୁ ଲୁଗିଲେ ତୁରନ୍ତ ପାଣି ପିଇବା ସହ ଏହାର ଉପଚାର କରିବା ପାଇଁ ପରାମର୍ଶ ଦିଆଯାଇଛି ।
