ସମ୍ବଲପୁର : ସମ୍ବଲପୁରର ଗୋପାଳମାଳ ନିବାସୀ ଅବସରପ୍ରାପ୍ତ ଶିକ୍ଷକ ଲୋକନାଥ ଷଡଙ୍ଗୀ ତାଙ୍କର ମୃତ୍ୟୁ ପରେ ସମ୍ପୁର୍ଣ୍ଣ ଶରୀର ଦାନ ସକାଶେ ଆଇନଗତ ଇଚ୍ଛାପତ୍ର ସ୍ୱେଚ୍ଛାସେବୀ ଅନୁଷ୍ଠାନ ଉର୍ତ୍ସଗ ଜରିଆରେ ପ୍ରଦାନ କରିଛନ୍ତି । ଶ୍ରୀ ଷଡଙ୍ଗୀ ତାଙ୍କର ସହଧର୍ମିଣୀ ଗୋଲାପି ଦାଶ, ପୁତ୍ରବଧୁ ସଶ୍ମିତା ଆଚାର୍ଯ୍ୟ, ପୁତ୍ର ଲିଙ୍ଗରାଜ ଷଡଙ୍ଗୀ ଏବଂ ଉର୍ତ୍ସଗ ପରିବାର ବରିଷ୍ଠ ସଦସ୍ୟ ପ୍ରଫୁଲ୍ଲ ହୋତା, ଡ. ବିଜୟ ପ୍ରଧାନ, ଆଇନ ପରାମର୍ଶଦାତା ଲକ୍ଷ୍ମଣ ପାଣିଗ୍ରାହୀ, ସୁଧିର ପୂଜାରୀ, ପ୍ରଶାନ୍ତ ପାଟ୍ଟଯୋଶୀ, ରୁଦ୍ର ନାରାୟଣ ମିଶ୍ର ଓ ପ୍ରବୀଣ ଦିକ୍ଷୀତଙ୍କ ଉପସ୍ଥିତିରେ ଇଚ୍ଛାପତ୍ର ଉତ୍ସର୍ଗ ଅନୁଷ୍ଠାନକୁ ପ୍ରଦାନ କରିଛନ୍ତି । ଅବସର ପରେ ଛୋଟ ଛୋଟ ଛାତ୍ରଛାତ୍ରୀ ମାନଙ୍କୁ ମାଗଣା ଶିକ୍ଷାଦାନ କରିବା ସହିତ ସାମାଜିକ କାର୍ଯ୍ୟ ଓ ଅଙ୍ଗଦାନ ତଥା ମୃତ୍ୟୁ ପରେ ଶରୀର ଦାନ ପାଇଁ ସେ ଜନ ସଚେତନତାରେ ନିଜକୁ ନିୟୋଜିତ କରିଛନ୍ତି । ଆଗାମୀ ଦିନରେ ଶ୍ରୀ ଷଡଙ୍ଗୀଙ୍କ ଆଇନଗତ ଇଚ୍ଛାପତ୍ରକୁ ଭିମସାର ବୁର୍ଲା କତ୍ତୃପକ୍ଷଙ୍କୁ ପ୍ରଦାନ କରାଯିବ ବୋଲି ଉର୍ତ୍ସଗ ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି।
Comments are closed.