ଗୋପାଳପୁର : ଗୋପାଳପୁରର ଏକ ତାରକା ହୋଟେଲରେ ପର୍ଯ୍ୟଟକ ଭାବେ ରହୁଥିବା ୩ ବଙ୍ଗୀୟ ଯୁବକଙ୍କ ସମେତ ଜଣେ ଡ୍ରାଇଭରକୁ ମାରଣାସ୍ତ୍ର ଚୋରା ଚାଲାଣରେ ସମ୍ପୃକ୍ତ ଥିବା ଅଭିଯୋଗରେ ଗିରଫ କରି ପୁଲିସ କଲକାତା ନେଇଥିବା ଜଣାପଡିଛି। ଗିରଫ ଯୁବକମାନେ ହେଲେ କଲକାତାର ସୁବିର ବୋଷ, ଡ୍ରାଇଭର ଅନୁଜ ମଣ୍ଡଳ,ରାଜୁ ଧମକର ଓ ଶୁକଦେବ ଦାସ ବୋଲି ପୁଲିସ ସୂଚନା ଦେଇଛି। ଏହି ଅଭିଯୁକ୍ତ ମାନଙ୍କ ନାମରେ କଲକାତା ସ୍ଥିତ ଗିରିଶ ପାର୍କ ପୁଲିସ ଥାନାରେ ମାରଣାସ୍ତ୍ର ଚାଲାଣ ନେଇ ମାମଲା ରୁଜୁ ହୋଇଥିଲା। ଥାନାରେ ମାମଲା ପରଠାରୁ ଅଭିଯୁକ୍ତ ମାନେ ଫେରାର ରହିଥିବା ବେଳେ ସେମାନଙ୍କ ମୋବାଇଲ ଫୋନ ଟ୍ରାକ କରି ଗୋପାଳପୁରରେ ରହୁଥିବା ଜାଣି ଏକ ୫ ଜଣିଆ କଲକାତା ପୁଲିସ ଟିମ୍ ରବିବାର ଗୋପାଳପୁରରେ ପହଞ୍ଚି ଗୋପାଳପୁର ପୁଲିସ ସହାୟତାରେ ବେଳାଭୂମି ସନ୍ନିକଟରେ ଥିବା ଏକ ହୋଟେଲରେ ଚଢାଉ କରି ଦୁଇଟି ରୁମରେ ରହୁଥିବା ୩ ଅଭିଯୁକ୍ତ ସମେତ ଡ୍ରାଇଭର ଏବଂ ସେମାନେ ବ୍ୟବହାର କରୁଥିବା ଏକ କାରକୁ ଜବତ କରିଥିଲେ । ସନ୍ଧ୍ୟାରେ ଗୋପାଳପୁର ପୁଲିସ ପକ୍ଷରୁ ବ୍ରହ୍ମପୁର କୋର୍ଟରେ ଅଭିଯୁକ୍ତ ମାନଙ୍କୁ ହାଜର କରାଇବା ପରେ କୋଲକତା ପୁଲିସ ଜିମା ଦେଇଥିବା ଗୋପାଳପୁର ଥାନା ଏସଆଇ ସୋଫିଆ ମିଶ୍ର ସୂଚନା ଦେଇଛନ୍ତି।
Popular Categories
Previous article
Next article