ସମ୍ବଲପୁର : ସମ୍ବଲପୁରର ଅଇଁଠାପାଲି ଥାନାଞ୍ଚଳରେ ରବିବାର ଟଙ୍କାନେଣ ଦେଣକୁ ନେଇ ଦୁଇ ପକ୍ଷ ମଧ୍ୟରେ ମାଡପିଟ ହୋଇଥିଲା। ଏ ନେଇ ଅଇଁଠାପାଲି ଥାନାରେ ଉଭୟ ପକ୍ଷ ଅଭିଯୋଗ କରିବାରୁ ପୁଲିସ ୨ଟି ମାମଲା ରୁଜୁ କରି ଘଟଣାର ତଦନ୍ତ କରୁଥିଲା। ଉଭୟ ମାମଲାର ତଦନ୍ତରେ ପୁଲିସ ସୋମବାର ମହମ୍ମଦ ଲଲନ, ମହମ୍ମଦ ନୁରୁଲ ହୁସେନ, ସୁରୁଲ ବକ୍ସ, ବୀର ସିଂହ ଓ ସନ୍ଦିପ ସିଂହଙ୍କୁ ଗିରଫ କରି ଅଦାଲତକୁ ଚାଲାଣ କରିଛି। ପୁଲିସର ସୂଚନାନୁଯାୟୀ, ବୀର ସିଂହଙ୍କ ନିକଟରୁ ବରେଇପାଲି ନିବାସୀ ମହମ୍ମଦ ଲଲନ ୭.୫ ଲକ୍ଷ ଟଙ୍କା ନେଇଥିଲେ। ଏହି ଟଙ୍କା ନେବା ପରେ ସେ ତାହା ବାରମ୍ବାର କହିବା ସତ୍ୱେ ଫେରାଇ ନ ଥିଲେ। ଏଣୁ ବୀର ସିଂହ ଟଙ୍କା ନେଇଥିବା ମହମ୍ମଦ ଲଲନ ଙ୍କୁ ଅଇଁଠାପାଲି ବସଷ୍ଟାଣ୍ଡ ନିକଟରେ ଏକ ମିଠା ଦୋକାନରେ ଭେଟ ହେବାରୁ ଉଭୟଙ୍କ ମଧ୍ୟରେ ଟଙ୍କାକୁ ନେଇ ବଚସା ହୋଇଥିଲା। ଏହା ପରେ ଉଭୟ ପକ୍ଷ ମଧ୍ୟରେ ମାଡପିଟ ହୋଇଥିଲା।
Comments are closed.