କଲକାତା : ଶିକ୍ଷକ ନିଯୁକ୍ତିରେ ଦୁର୍ନୀତି ମାମଲାର ତଦନ୍ତ କରୁଥିବା ସିବିଆଇ ତରଫରୁ ସୋମବାର ତୃଣମୂଳ କଂଗ୍ରେସ ସାଂସଦ ତଥା ଦଳର ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କୁ ସମନ ଜାରି କରିଛି । ସୂଚନାଥାଉ କି ଶିକ୍ଷକ ନିଯୁକ୍ତି ମାମଲାରେ ଅଭିଷେକଙ୍କୁ ପଚରାଉଚରା ପାଇଁ କଲକାତା ଉଚ୍ଚ ନ୍ୟାୟାଳୟ ତରଫରୁ ସିବିଆଇକୁ ଅନୁମତି ପ୍ରଦାନ କରାଯାଇଥିଲା । ଏହା ବିରୋଧରେ ଅଭିଷେକ ସର୍ବୋଚ୍ଚ ନ୍ୟାୟାଳୟଙ୍କ ଦ୍ବାରସ୍ଥ ହୋଇଥିଲେ। କଲକାତା ଉଚ୍ଚ ନ୍ୟାୟାଳୟର ନିର୍ଦେଶ ଉପରେ ସର୍ବୋଚ୍ଚ ନ୍ୟାୟାଳୟ ରହିତାଦେଶ ଜାରି କରିବାର କିଛିଘଣ୍ଟା ପରେ ସିବିଆଇ ତରଫରୁ ଅଭିଷେକଙ୍କୁ ସମନ ଜାରି କରାଯିବା ଅଧିକାଂଶଙ୍କୁ ଚକିତ କରିଛି। ଏହାକୁ ନେଇ ସିବିଆଇ ବିରୋଧରେ ଅଦାଲତ ଅବମାନନା ମାମଲା ରୁଜୁ କରିବାକୁ ଅଭିଷେକ ନିଷ୍ପତ୍ତି ନେଇଥିବା ବିଶ୍ବସ୍ତ ସୂତ୍ରରୁ ଜଣାପଡ଼ିଛି । ଏ ସମ୍ପର୍କରେ ସାମାଜିକ ଗଣମାଧ୍ୟମ ଟ୍ବିଟର୍ରେ ଏକ ବାର୍ତ୍ତା ଛାଡ଼ି ଅଭିଷେକ ଦର୍ଶାଇଥିଲେ ସର୍ବୋଚ୍ଚ ନ୍ୟାୟାଳୟଙ୍କ ରହିତାଦେଶ ସତ୍ତ୍ବେ ସିବିଆଇ ତାଙ୍କୁ କିପରି ସମନ କରିଛି ତାହା ବୁଝା ପଡୁ ନାହିଁ। ତାଙ୍କୁ ହଇରାଣ କରିବାକୁ କେନ୍ଦ୍ର ବିଜେପି ସରକାର ସିବିଆଇର ଦୁରୁପଯୋଗ କରିବା ଏଥିରୁ ସ୍ପଷ୍ଟ ଭାବେ ଜଣାପଡୁଛି।
Popular Categories
Previous article
Next article