ସମ୍ବଲପୁର: ସମ୍ବଲପୁରରେ ପଥର ଫିଙ୍ଗିବା ଓ ଶୋଭାଯାତ୍ରା ସମୟରେ ହିଂସା ଘଟଣା ନେଇ କର୍ଫ୍ୟୁ ବଳବତ୍ତର ଥିବାରୁ ଆସନ୍ତାକାଲିଠାରୁ ହେବାକୁ ଥିବା ଅଗ୍ନିବୀର ପରୀକ୍ଷା ସମୟରେ ପରିବର୍ତନ କରାଯାଇଛି। ସମ୍ବଲପୁର ସେନା କାର୍ଯ୍ୟାଳୟ ପକ୍ଷରୁ ଜାରି ସୂଚନା ଆଧାରରେ ଆମ ସମ୍ବଲପୁର ସମ୍ବାଦଦାତା ଜଣାଇଛନ୍ତି ଯେ ସମ୍ବଲପୁରରେ ଏପ୍ରିଲ ୧୭ ଓ ୧୮ରେ ହେବାକୁ ଥିବା ଅଗ୍ନିବୀର ପରୀକ୍ଷା ୧୯, ୨୦ ଓ ୨୧ ତାରିଖରେ ହେବ। ଏଥିପାଇଁ ଦୁଇଟି ହେଲ୍ପଲାଇନ ନମ୍ବର ଜାରି କରାଯାଇଛି। ସେହି ନମ୍ବର ଦୁଇଟି ହେଉଛି ୦୬୬୩-୨୫୨୦୮୪୫ ଓ ୦୬୬୩-୨୯୫୦୩୫୯। ପ୍ରାର୍ଥୀମାନେ ଏହି ହେଲ୍ପଲାଇନ ଜରିଆରେ ଆବଶ୍ୟକ ସୂଚନା ପାଇପାରିବେ।
ତେବେ ଆଜି ଯେଭଳି ଭାବେ ଜିଲ୍ଲା ପ୍ରଶାସନ ପରୀକ୍ଷାର୍ଥୀଙ୍କ ପାଇଁ ପରିବହନ ଓ ସୁରକ୍ଷା ବ୍ୟବସ୍ଥା କରିଛି, ଅଗ୍ନିବୀର ପରୀକ୍ଷା ପାଇଁ କିଭଳି ବ୍ୟବସ୍ଥା ଗ୍ରହଣ କରାଯିବ ତାହା ଜଣ ପଡ଼ିନାହିଁ।
