ସମ୍ବଲପୁର : ସମ୍ବଲପୁରରେ ମାଁ ସମଲେଶ୍ୱରୀ ମନ୍ଦିରର ପୁନଃ ବିକାଶ କାର୍ଯ୍ୟ କ୍ରମରେ ଚାଲିଥିବା ରାଜ୍ୟ ସରକାରଙ୍କ ସମଲେଇ ଯୋଜନାରେ ମନ୍ଦିର ସମ୍ମୁଖରେ ଥିବା ଘୁନଘୁଟିପଡାରେ ଉଚ୍ଛେଦ କାର୍ଯ୍ୟ ଶେଷ ହୋଇଯାଇଛି। ଏହି ଯୋଜନା ଅର୍ନ୍ତଗତ ଉଚ୍ଛେଦରେ ବାକି ଥିବା ୧୯ଟି ଘର ଗୁଡିକୁ ସୋମବାର ଉଚ୍ଛେଦ କରାଯାଇଛି। ଏହା ଦ୍ୱାରା ଏହି ଅଞ୍ଚଳରେ ପୂର୍ବରୁ ବସବାସ କରୁଥିବା ୨୫୦ରୁ ଉର୍ଦ୍ଧ ପରିବାର ଙ୍କୁ ବିସ୍ଥାପିତ କରାଯାଇ ୨୦୦ ରୁ ଉର୍ଦ୍ଧ ଘର ଗୁଡିକୁ ଉଚ୍ଛେଦ କରିବାର କାର୍ଯ୍ୟ ପ୍ରଶାସନ ଶେଷ କରିଛି। ଏହି କାର୍ଯ୍ୟ ପାଇଁ ନିଗମ କତ୍ତୃପକ୍ଷଙ୍କ ତରଫରୁ ୩ଟି ଜେସିବି ଯନ୍ତ୍ର ଓ କର୍ମଚାରୀ ମାନଙ୍କୁ ସ୍ୱତନ୍ତ୍ର ଭାବରେ ନିୟୋଜିତ କରାଯାଇଥିଲା। ଏହି ଅବସରରେ ଉପ ଜିଲାପାଳ ପ୍ରଭାସ ଡନସନା, ଡେପୁଟି କଲେକ୍ଟର ସୁଶାନ୍ତ ସାହୁ, ଭୂଅର୍ଜନ ଅଧିକାରୀ ଆଦିତ୍ୟ ପଣ୍ଡା, ପୁଲିସ ଏସଡିପିଓ ପ୍ରଦୀପ ସାହୁ, ମହାନଗର ନିଗମ କାର୍ଯ୍ୟକାରୀ ଅଧିକାରୀ ଶୁଭଙ୍କର ମହାନ୍ତିଙ୍କ ସମେତ ଅନ୍ୟାନ୍ୟ ଅଧିକାରୀ ଓ ପୁଲିସ ବଳ ମୁତୟନ ରହିଥିଲେ।
Comments are closed.