ନୂଆଦିଲ୍ଲୀ- ଦେଶରେ ଦ୍ରୁତ ଗତିରେ ବିକାଶ କରୁଥିବା ୧୦ ଶ୍ରେଷ୍ଠ ରାଜ୍ୟ ତାଲିକାରେ ଓଡ଼ିଶା ରହିଛି । ଓଡ଼ିଶା ଅଷ୍ଟମସ୍ଥାନରେ ରହିଛି । ଓଡିଶାରେ ଔଦଗିକ ଏବଂ ଅର୍ଥନୈତିକ ବିକାଶ ଅଧିକ ହୋଇଛି । ମାତ୍ର ଏହି ତାଲିକାର ଏକ ନମ୍ବରରେ ରହିଛି ଗୁଜୁରାଟ । ଗୁଜୁରାଟରେ ସ୍ଥାନୀୟ ଉତ୍ପାଦ ଅଧିକ ରହିଛି । ଗତ ୧୦ ବର୍ଷ ଧରି ଗୁଜୁରାଟ ଏହି ସ୍ଥାନ ବଜାୟ ରଖିଛି । ଏହାର ଚକ୍ରବୃଦ୍ଧି ବାର୍ଷିକ ବୃଦ୍ଧି ହାର (ସିଏଜିଆର୍) ବି ୮.୨ ପ୍ରତିଶତ ରହିଛି ।
ଏହାର ଦ୍ୱିତୀୟ ସ୍ଥାନରେ ରହିଛି କର୍ଣ୍ଣାଟକ । କର୍ଣ୍ଣାଟକରେ ମଧ୍ୟ ଦ୍ରୁତ ବିକାଶ ହେଉଛି । ଏହାର୭.୩ ପ୍ରତିଶତ ଚକ୍ରବୃଦ୍ଧି ବାର୍ଷିକ ବୃଦ୍ଧି ହାର (ସିଏଜିଆର୍) ହାର ରହିଛି । ତୃତୀୟ ସ୍ଥାନରେ ରହିଛି ହରିୟାନା । ଏହି ତିନୋଟି ବିଜେପି ଶାସିତ ରାଜ୍ୟ ।
ତାଲିକାର ଚତୁର୍ଥସ୍ଥାନରେ ମଧ୍ୟପ୍ରଦେଶ, ପଞ୍ଚମ ସ୍ଥାନରେ ଆନ୍ଧ୍ର ପ୍ରଦେଶ, ଷଷ୍ଠ ସ୍ଥାନରେ ତେଲେଙ୍ଗାନା ରହିଛି । ଏହାର ସପ୍ତମସ୍ଥାନରେ ତାମିଲନାଡୁ ରହିଛି ।
ଏହି ତାଲିକାରେ ଅଷ୍ଟମସ୍ଥାନରେ ଓଡ଼ିଶା ରହିଛି । ଓଡିଶାର ଚକ୍ରବୃଦ୍ଧି ବାର୍ଷିକ ବୃଦ୍ଧି ହାର (ସିଏଜିଆର୍) ୫.୭୩ ପ୍ରତିଶତ ରହିଛି । ଏହାର ଜିଡିପି ୩.୮୧ ଲକ୍ଷ କୋଟି ଟଙ୍କା ରହିଛି । ଦିଲ୍ଲୀ ଏହି ତାଲିକାର ନବମ ସ୍ଥାନରେ ରହିଥିବା ବେଳେ ଦଶମ ସ୍ଥାନରେ ଆସାମ ରହିଛି ।
