ଫୁଲବାଣୀ: କନ୍ଧମାଳ ଜିଲାରେ ବ୍ରହ୍ମପୁର ଅବକାରୀ ଗୁଇନ୍ଦା ଟିମ୍ ଘନ ଘନ ଚଢ଼ାଉ ଜାରି ରଖିଛି । ସୋମବାର ସୁଡ୍ରୁକୁମ୍ପା ଛକରେ ଚଢ଼ାଉ କରି ଏକ ମାକ୍ସ ପିକ୍ଅପ୍ ଭ୍ୟାନରୁ ୧୩୫ କିଲୋ ଗଞ୍ଜେଇ ଜବତ କରଛି । ଏହି ଘଟଣାରେ ଡ୍ରାଇଭରଙ୍କୁ ଗିରଫ କରାଯାଇଛି। ସେ ହେଲେ ବୌଦ୍ଧ ଜିଲା କୋମଲପୁର, ତେଲିବନ୍ଧ ଅଞ୍ଚଳର ଚିତ୍ତରଞ୍ଜନ ପ୍ରଧାନ। ଏ ନେଇ ୧୮/୨୩-୨୪ରେ ମାମଲା ରୁଜ୍ଜୁ ହୋଇଛି।
ସେହିପରି ସୁଡ୍ରୁକୁମ୍ପା ଛକରେ ବ୍ୟାଗ ଧରି ଚାଲି ଚାଲି ଯାଉଥିବା ଜଣେ ବ୍ୟକ୍ତିଙ୍କୁ ଯାଞ୍ଚ କରିବାରୁ ତାଙ୍କଠାରୁ ୫ କିଲୋ ଗଞ୍ଜେଇ ମିଳିଥିଲା। ସମ୍ପୃକ୍ତ ଗିରଫ ବ୍ୟକ୍ତି ସେହି ବୌଦ୍ଧ ଜିଲା କୋମଲପୁର, ତେଲିବନ୍ଧ ଅଞ୍ଚଳର ଦିବ୍ୟରଞ୍ଜନ ଦିଗାଲ । ଏ ନେଇ ୧୯/୨୦୨୩-୨୪ରେ ମାମଲା ରୁଜୁ ହୋଇଥିବା ଇନ୍ସପେକ୍ଟର ଉଦୟ ଚନ୍ଦ୍ର ସାମନ୍ତ ସୁଚନା ଦେଇଛନ୍ତି । ଏକ ୭ ଜଣିଆ ଟିମ୍ ଏହି ଚଢ଼ାଉ କରିଥିଲା । ଗଞ୍ଜେଇ କନ୍ଧମାଳରୁ ବୌଦ୍ଧ ଚାଲାଣ ହେଉଥିଲା ବୋଲି ସୂଚନା ମିଳିଛି।
Comments are closed.