ସମ୍ବଲପୁର : ଗଙ୍ଗାଧର ମେହେର ବିଶ୍ବବିଦ୍ୟାଳୟର ବାଣିଜ୍ୟ ଓ ପରିଚାଳନା ବିଭାଗ ପକ୍ଷରୁ ଅମୃତବିହାରରେ ‘ସମାଜ , ପୃଥିବୀ ଏବଂ ଲାଭ : ଏକ ସାମ୍ବାଦିକତା ସ୍ଥାୟୀ ବିକାଶ ଲକ୍ଷ୍ୟ’ ଶୀର୍ଷକ ଦୁଇ ଦିନିଆ ଜାତୀୟସ୍ତରୀୟ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ଆବାହକ ଡ. ଶ୍ରୀନିବାସ ଦାସ ଅତିଥି ମାନଙ୍କ ପରିଚୟ ପ୍ରଦାନ କରିଥିଲାବେଳେ ଗବେଷିକା ସ୍ମୃତିଶୀଖା ଗୁରୁ କାର୍ଯ୍ୟକ୍ରମ ସଞ୍ଚାଳନ କରିଥିଲେ ।
ଉଦଘାଟନି ଉତ୍ସବରେ ଡ. ଅମୀୟ କୁମାର ମହାପାତ୍ର ସଭାପତିତ୍ବ କରିଥିଲେ। ରମାଦେବୀ ମହିଳା ବିଶ୍ବବିଦ୍ୟାଳୟର ବାଣିଜ୍ୟ ବିଭାଗର ବିଭାଗୀୟ ମୁଖ୍ୟ ଡ. ସାବତ କୁମାର ଦିଗଲ୍ ଓ ଡ. ଏନ୍.ଭି.ହୀରାମତ୍ ମୁଖ୍ୟ ବକ୍ତା ଭାବେ ଯୋଗଦେଇଥିଲେ। ଉଦଯାପନୀ ସମାରୋହ କାର୍ଯ୍ୟକ୍ରମରେ ଗଙ୍ଗାଧର ମେହେର ବିଶ୍ବବିଦ୍ୟାଳୟର ସ୍ନାତକୋତ୍ତର ପରିଷଦ ଅଧ୍ୟକ୍ଷ ପ୍ରଫେସର ସୁଶାନ୍ତ କୁମାର ଦାସ ସଭାପତିତ୍ବ କରିଥିଲାବେଳେ ବାଣିଜ୍ୟ ବିଭାଗର ବିଭାଗୀୟ ମୁଖ୍ୟ ପ୍ରିୟବ୍ରତ ପଣ୍ଡା ସ୍ଵାଗତ ଭାଷଣ ଓ ଅତିଥି ମାନଙ୍କ ପ୍ରଦାନ କରିଥିଲେ । ଜ୍ଞାନ ରଞ୍ଜନ ବଳ ଆଲୋଚନାଚକ୍ରର ବିବରଣୀ ପାଠ କରିଥିଲେ।
କାର୍ୟ୍ୟକ୍ରମରେ ରେଭେନ୍ସା ବିଶ୍ୱବିଦ୍ୟାଳୟର ପ୍ରାକ୍ତନ କୁଳସଚିବ ପ୍ରଫେସର ମଳୟ କୁମାର ମହାନ୍ତି , ବନାରସ ହିନ୍ଦୁ ବିଶ୍ବବିଦ୍ୟାଳୟର ବାଣିଜ୍ୟ ବିଭାଗର ପ୍ରଫେସର ଡ଼ଃ ଏଚ୍.କେ.ସିଂ, ପ୍ରଫେସର ଶ୍ୟାମାଚରଣ ଆଚାର୍ୟ୍ୟ , ଉପକୁଳସଚିବ ଉମାଚରଣ ପତି, ସୁବାଷ ଝାଙ୍କର , ସରୋଜା ମେହେର, ଅମ୍ରିତ ପ୍ରତାପ ସିଂ ପ୍ରମୁଖ ଯୋଗଦେଇଥିଲେ। ପରିଚାଳନା ବିଭାଗ ମୁଖ୍ୟ ଡ. ଶ୍ରୀନିବାସ ଦାସ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ଏକ ସ୍ମରଣିକା ଉନ୍ମୋଚିତ ହୋଇଥିଲା।
Comments are closed.