କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସଦର ମହକୁମାଠାରେ ଥିବା ଇ୪ର୍ଥ ସିଆରପିଏଫ କ୍ୟାମ୍ପ ଯବାନ ପକ୍ଷରୁ ସମିତି କାର୍ଯ୍ୟାଳୟ ପରିସରରେ ୨୦୨୨-୨୩ ବର୍ଷର ଜନସମ୍ପର୍କ ମେଳା ଅନୁଷ୍ଠିତ ହୋଇଯାଇଛି। ଭୁବନେଶ୍ୱର ଆଇଜିଙ୍କ ନିର୍ଦେଶକ୍ରମେ ରାୟଗଡା ଚତୁର୍ଥ ବଟାଲିୟନର କମାଡେଣ୍ଟ ମନୋଜ କୁମାର ୟାଦବଙ୍କ ଆଦେଶରେ ସ୍ଥାନୀୟ ଇ-ଚତୁର୍ଥ ସିଆରପିଏଫ ଆସିଷ୍ଟାଣ୍ଡ କମାଣ୍ଡର ଡି.କୃଷ୍ଣ।ରାଓ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମ ଆରମ୍ଭ କରାଯାଇଛି। ଥାନା ଏଏସଆଇ ଅଶୋକ ନାୟକ, ଅବସର ପ୍ରାପ୍ତ ଶିକ୍ଷକ ବି.ସୂର୍ଯ୍ୟପ୍ରକାଶ ରାଓ,କ ଜୋନର ଜିଲାପରିସଦ ସଦସ୍ୟ ବାରାଟମ ୱାରା ପ୍ରସାଦ ରାଓ ସଂମ୍ମାନୀୟ ଅତିଥି ଭାବରେ ମଞ୍ଚାସୀନ ରହି ଥିଲେ।
ବିଭିନ୍ନ ଅଞ୍ଚଳର ଗରିବ ଶ୍ରେଣୀର ମହିଳା ଓ ପୁରୁଷ ମାନଙ୍କୁ ଡାକି ୧୧୦ଟି ଶାଢ଼ୀ ଓ ୧୦୦ ଟି ଲୁଙ୍ଗି ମୋଟ ୨୧୦ଟି ବଣ୍ଟନ କରିଥିଲେ। ଏଥିରେ ସମସ୍ତ କ୍ୟାମ୍ପ ଯବାନ ମାନେ ଉପସ୍ଥିତ ରହି ସହଯୋଗ କରିଥିଲେ । ଉକ୍ତ ବ୍ଲକ ମାଓ ପ୍ରବଣ ଅଞ୍ଚଳ ହୋଇଥିବାରୁ ପୁଲିସ, ସି ଆରପି ଏଫ ଯବାନ ଓ ଲୋକଙ୍କ ମଧ୍ୟରେ ସୁସମ୍ପର୍କ ସ୍ଥାପନ କରିବା ପାଇଁ ଏହିପରି ପଦକ୍ଷେପ ନିଆଯାଇଛି। ସେହିପରି ବିଜେପୁର ଏଫଚତୁର୍ଥ ସିଆରପିଏଫ ପକ୍ଷରୁ କେନ୍ଦ୍ର ସରକାରଙ୍କ ଗୃହ ମନ୍ତ୍ରାଳୟ ନିର୍ଦ୍ଧେଶ କ୍ରମେ ଜନ ସମ୍ପର୍କମେଳା କରାଯାଇଛି।
ଆସିଷ୍ଟାଣ୍ଡ କମାଡେଣ୍ଟ ଉମାକାନ୍ତ ବି ଗିରାଡ଼କାରଙ୍କ ତତ୍ତ୍ୱାବଧାନରେ ଅନୁଷ୍ଠିତ ସଭାରେ ଖ ଜୋନର ଜିଲାପରିସଦ ସଦସ୍ୟ ପରୀକ୍ଷିତ ନାଏକ, ବିଜେପୁର ଥାନା ଦ୍ୱିତୀୟ ଅଧିକାରୀ ରମେଶ କୁମାର ରେଡା, ବିଜେପି ସରପଞ୍ଚ ଜନନୀ ମାଝୀ ମଞ୍ଚାସିନ ରହିଥିଲେ। ପ୍ରାୟ ୧୧ଖଣ୍ଡ ଗ୍ରାମର ୧୦୯ଜଣ ମହିଳା ଓ ୧୦୦ ଜଣପୁରୁଷ ମୋଟ ୨୦୯ଜଣ ଗରିବ ଶ୍ରେଣୀର ଲୋକଙ୍କୁ ପ୍ରଦାନ କରିଛନ୍ତି। ଏଥିରେ ଏଫଚତୁର୍ଥ ବଟାଲୀୟନର ଯବାନମାନେ ମଧ୍ୟ ଉପସ୍ଥିତ ରହିଥିଲେ।
