ମୁମ୍ବଇ – ୧୫ ବର୍ଷ ପରେ ଧରାପଡିଲା ଚୋର । ହାତରେ ହୋଇଥିବା ଟାଟୁ ଯୋଗୁଁ ଏହି ଚୋର ଧରାପଡିଛି । ଚୋରକୁ ଏବେ ୬୩ ବର୍ଷ ବୟସ । ମୁମ୍ୱଇ ଆଣ୍ଟପହିଲ୍ରେ ଏହି ଚୋର ରୁହେ । ୧୫ ବ୍ରଷ ତଲେ ସାୟନ କୋଲିଓ୍ୱାଡାରେ ଥିବା ଏକ ଘରେ ଏହି ଚୋର ତାଲା ଭାଙ୍ଗି ଚୋରି କରିଥିଲା । ଚୋରି ମାମଲାରେ ଧରା ପଡିବା ପରେ ଅଦାଲତରେ ହାଜର ହୋଇଥିଲା । ପରେ ତାର ଶୁଣାଣୀ ସମୟରେ ଚୋର ଆଉ ଧରା ଛୁଆଁ ଦେଇ ନଥିଲା । ଅଦାଲତ ତା ବିରୋଧରେ ଅନେକ ଗିରଫ ବିହୀନ ପରଓ୍ୱାନା ଜାରିକରିଥିଲେ ।
ମାତ୍ର ଚୋର ରାଜ୍ୟ ଛାଡି ଚାଲିଯାଇଥିଲା । ମୁମ୍ବଇ ଏକ ସ୍ୱତନ୍ତ୍ର ଟିମ୍ ଫେରାର ବ୍ୟକ୍ତିମାନଙ୍କ ଉପରେ ନଜର ରଖିଥାଆନ୍ତି। ସେମାନଙ୍କ ବିଷୟରେ କୌଣସି ସୂଚନା ମିଳିଲେ ତୁରନ୍ତ ସେମାନଙ୍କୁ ଗିରଫ କରିବା ପାଇଁ ଚେଷ୍ଟା କରି ଥାଆନ୍ତି ।
କିଛି ଦିନ ତଳେ ଏହି ଚୋର ତାମିଲନାଡୁରେ ରହିଥିବା କଥା ସୂଚନା ମିଲିଥିଲା । ପୂର୍ବରୁ ଚୋର କରୁ ଧରି ପାଇଁ ପୁଲିସ ଟିମ୍ ବିଭିନ୍ନ ସ୍ଥାନରେ ଚଢଉ କରିଥିଲେ ମଧ୍ୟ କୌଣସି ସଫଳତା ମିଳିନଥିଲା ।
ଚୋର ନାଁ ପରିବର୍ତ୍ତନ କରି ତାମିଲନାଡୁରେ ରହୁଥିଲା । ସେଠାରେ ସେ ତାମିଲନାମ ଦେବା ସହ ଚୋରିରେ ଲିପ୍ତ ଥିଲା । ମୁମ୍ବଇ ପୁଲିସକୁ ସୂଚନା ମିଳିବା ପରେ ତାମିଲନାଡୁ ପୁଲିସ ସହ ଯୋଗାଯୋଗ କରାଯାଇଥିଲା । ତାହାର ଚିହ୍ନଟ ଦାଗ ବିଷୟରେ ହାତରେ ଥିବା ଟାଟୁ କଥା ବର୍ଣ୍ଣନା ଥିଲା । ପରେ ଏହି ଚୋର ସହ ଟାଟୁ ମିଶିବାରୁ ତାକୁ ପଚରା ଉଚରା କରାଯାଇଥିଲା ।
ଚୋର ଚୋରି କଥା ସ୍ୱୀକାର କରିଥିଲା । ସେ ଜାମିନ୍ ପାଇବା ପରେ ଗୋଟିଏ ସ୍ଥାନରେ ରହୁ ନଥିଲା ।
