ହରଭଙ୍ଗା -ବୌଦ୍ଧ ବନଖଣ୍ଡ ଅଧିନସ୍ଥ ମାଧପୁର ଫରେଷ୍ଟ ରେଞର ତଳଗାଁ ସେକ୍ସନର ହାତୀଧରା ଏବଂ ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲର ଅଧିକାଂଶ ସ୍ଥାନରେ ଗତ ମଙ୍ଗଳବାର ନିଆଁଲାଗିଥିଲା । ନିଆଁ ଲାଗିଥିବା ଘଟଣାକୁ ଦୃଷ୍ଟିରେ ରଖି ବୌଦ୍ଧ ବନଖଣ୍ଡ ଅଧିକାରୀ ଦେବପ୍ରିୟ କମ୍ପ ବୌଦ୍ଧ ରେଞ ଅଧିନରେ ଥିବା ଅଗ୍ନିଶମ ବାହିନୀଙ୍କ ସହିତ ଫରେଷ୍ଟ ଗାର୍ଡ ପ୍ରକାଶ ପ୍ରଧାନଙ୍କୁ ସେଠାକୁ ନିଆଁଲିଭାଇବା ପାଇଁ ପଠାଇଥିଲେ ।
ଅଗ୍ନିଶନ ବାହିନୀ ଏବଂ ବନ କର୍ମଚାରୀଙ୍କ ମିଳିତ ଉଦ୍ୟମରେ ସଂରକ୍ଷିତ ଜଙ୍ଗଲରେ ନିଆଁ ଲିଭା କାର୍ଯ୍ୟ ସଫଳ ହୋଇଛି । ଏହି କାର୍ଯ୍ୟରେ ସ୍ଥାନୀୟ ଫରେଷ୍ଟ ଗାର୍ଡ ଶରତ ନାୟକ,ଅର୍ଜ୍ଜୁନ ବେହେରା,ପ୍ରକାଶ ପ୍ରଧାନ, ପ୍ରମୁଖ ସାମିଲ ଥିଲେ ।
