କଲ୍ୟାଣସିଂହପୁର – ରାମଦାସ କୁଲସିକା ପେଶାରେ କମାର ବା ଲୋହରା । ପରିବାର କହିଲେ ଦୁଇ ପୁଅଙ୍କ ସହ ସ୍ତ୍ରୀ ଏକ ଛୋଟ ସଂସାର, କିଛି ଦିନ ତଳେ ଦୁର୍ଘଟଣା ରେ ଗୋଡ଼ ଅଚଳହୋଇ ପଡ଼ି ଥିଲେ ମଧ୍ୟ ହାର ମାନି ନାହାନ୍ତି । ଦୃଢ ମନୋବଳରେ ନିଜ ଲୋହରା କାମ କରି କାମ କରି ତିନି ପ୍ରାଣୀ କୁଟୁମ୍ବଙ୍କୁ ପୋଷୁଛନ୍ତି । ଦୁନିଆଁ ଆଗରେ ଏକ ଉଦାହରଣ ସୃଷ୍ଟି କରିଛନ୍ତି ରାମଦାସ ।
ପୂର୍ବ ପୁରୁଷରୁ ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରିଗୁଡ଼ା ପଂଚାୟତ ରାଉତ ପରିଡିଗୁଡା ଛକ ନିକଟ ଆମ୍ବ ଗଛ ତଳେ ଲୋହରା ଶାଳ (କମାରଶାଳ) ରହିଛି। ନିଜ ପେଷାକୁ ବଞ୍ଚାଇ ରଖିବା ପାଇଁ ପାଇଁ ଦୁଇଟି ବାଡ଼ି ସହାୟତା ରେ ଛୋଟେଇ ଛୋଟେଇ ନିଜ ପୂର୍ବ ପୁରୁଷଙ୍କ କାମ କରିଆସୁଛନ୍ତି । ଟାଙ୍ଗିଆ, ଲଙ୍ଗଳ ଫାଳ , ଶାବଳ, ତାଓ୍ୱା,କୋଡ଼ି , ଧାନ କାଟିବା ଦା, ଘାଗଡା, ପନିକି ପରି ଲୁହା ଜିନିଷ ସବୁ ଧାର କରିବା ସହିତ ତିଆରି କରୁଛନ୍ତି ।
କିନ୍ତୁ ଆଜିକା ଦିନ ରେ ଏହି ସବୁ କାମ ଲୋପ ହୋଇ ଯିବାର ଭୟ ରହିଛି ବୋଲି ରାମଦାସ କହିଛନ୍ତି । ଏବେ ମେସିନ୍ ଦ୍ୱାରା ପ୍ରସ୍ତୁତ ହୋଇ ଶସ୍ତାରେ ବଜାରରେ ଏହା ମିଳୁଥିବାରୁ ଲୋକ ଧିରେ ଧିରେ ତାକୁ କିଣୁଛନ୍ତି । ଲୋହରାଶାଳର ମଜବୁତ କାମକୁ ଅନେକ ଚାହୁଁନାହାନ୍ତି । ନିଜ ବେଉସା ଏବେ ବିପଦରେ ଥିବା କଥା କହିଛନ୍ତି ରାମଦାସ । ହେଲେ ସେ ହାର୍ ମାନିନାହାନ୍ତି ।
Comments are closed.