ଡେସ୍କ: ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ବଜେଟ ଜନସାଧାରଣଙ୍କ ହିତରେ ନୁହେଁ ବରଂ ଏକ ଅମଲା ପ୍ରସ୍ତୁତ ବଜେଟ ବୋଲି ପିସିସି ମିଡ଼ିଆ ଓ ଗଣ ଯୋଗାଯୋଗ ବିଭାଗ ଅଧକ୍ଷ ଗଣେଶ୍ୱର ବେହେରା କହିଛନ୍ତି। ସେ କହିଛନ୍ତି, ଆଜି ବିଧାନସଭାରେ ଆଗତ ହୋଇଥିବା ବଜେଟ ଓଡିଶାବାସୀଙ୍କୁ ନିରାଶ କରିଛି। ଲୋକେ ସମ୍ମୁଖୀନ ହେଉଥିବା ଅର୍ଥନୈତିକ ଦୁସ୍ଥିତିର ଉପଶମ ପାଇଁ ଏଥିରେ କୌଣସି ବ୍ୟବସ୍ଥା ନାହିଁ। ବିଶେଷ ଭାବେ କାଳିଆ ଯୋଜନା ସହାୟତା ରାଶି ଓ ବାର୍ଦ୍ଧକ୍ୟ, ଅକର୍ମଣ୍ୟ ଓ ବିଧବା ଭତ୍ତା ରାଶି ବୃଦ୍ଧି ନ ହେବା ଅସହାୟ ଲୋକଙ୍କ ପ୍ରତି ଅନ୍ୟାୟ ବୋଲି ସେ କହିଛନ୍ତି।
ଅନ୍ୟପକ୍ଷରେ ଉତ୍କଟ ବେକାରୀ ସମସ୍ୟା ଦୂର ପାଇଁ ବଜେଟରେ କୌଣସି ବ୍ୟବସ୍ଥା ନ ଥିବା ସେ ଅଭିଯୋଗ କରିଛନ୍ତି।
